Desicar paniguca paillami paipa ushiguta viñachijurca y Venezuela llactapimi causan. Paica Jehová Diosta ashtahuan sirvingapami munarca, chai llactapica culquimanda problemacuna tiajpipash, cai paniguca precursora regular shina sirvingapami decidirca. Chaita pactachishpaca ninandami cushijurca. Pero shinapillami COVID-19 pandemia chayamurca .

 Callaripica, cai panigupaca pandemiamanda cambiocunaca shinllimi carca. Paipa llactapica internetca yapa valishcami carca, chaimi videoconferenciapica na predicai usharca. Shinallata cartata escribinaca cai panigupaca na facilchu carca. Chaimi chai paniguca desanimarishca sintirircani nin. Cunanga ñana pundashna predicai ushajushpami, precursoradotapash ñana pactachijushpami llaquilla sintirircani nin.

 Chaimi, Venezuela llactapica, testigo de Jehovacunapa sucursalca huauquipanicuna predicai ushachunmi shuj campaña especialta enero de 2021 huatapi organizarca. Shinallata chai quillapi 60 radiocunapi, 7 canal televisiongunapi conferencia Bibliataca ricuchun uyachun arreglocunata rurarca, chai conferenciacunata gentecuna uyachunga tucui gentecunata invitachunmi huauquipanicunata animarca. Ashtahuambash sucursalmanda huauquicunaca cai discursocunamanda shuj listatami curca huaquin tapuicunahuan textocunahuanbash, cartacunata rurashpa o telefonopi predicajushpa utilizai ushachun. Shinallata cai huauquipanicunamanga celularpi mensaje de textocunata cachanata yachachirca, cashna predicanaca Venezuelamanda huauquipanicunapaca na facilchu carca.

 Desicar paniguca cai campañapi participajushcamandaca cushijushcami carca. Predicangapaca celularpi mensaje de textotaca nunca na utilizashca cashpapash, yachajungapami decidirca, shinapash cai aparatota utilizanaca paipaca na facilchu carca. Chaimi paipa ushigu imashna utilizanata yachachirca, shinami campañapi predicaita usharca.

 Desicar paniguca cai grabashca discursocunata uyachunmi ashtaca gentecunaman invitashpa mensajecunata cacharca. Shinapash ima pasanataca na pensashcarcachu. Pero paipa rijsishcacunamandaca taucami chai discursocunata uyashpa tapuicunata rurarca, shinallata chai discursocunata na uyaita pactashcacunaca imata yachachishcatami tapunajurca. Chaimi Desicar paniguca nirca: “Discursomanda notacunata japishpami paicunaman compartircani’’ nishpa. Quillapica picha gentecunatallami visitai ushan carcani, shinapash cai campaña tucurishca jipaca 112 gentecunatami cutin visitai ushashcani” nircami. a

 Shinallata paipa na testigo ñañatapashmi radiopi discursocunata uyachun invitarca. Ari nijpica Desicar paniguca ninandami cushijurca. Shinami cada domingota ocho de la mañanata paipa huasiman rin carcani igual chai discursocunata uyangapaj. Caita uyajushpaca callarijpipash jipamanbash ñuca ñañaca tauca tapuicunata rurarca. Shinallata ñuca ñañaca Jesús huañushcata yarina tandanajui videoconferenciapipashmi carca, ashtahuanbash paipa internetpi conectarishpa predicai ushachunbash saquihuarca.

 Desicar paniguca cashna nishpami: “Jehová Diosta, shinallata congregacionmanda huauqui ancianocunatapash animashcamanda cutin cushijushpa predicachun ayudashcamanda agradicirca ” (Jeremías 15:16). Cunangamanmi panigu Desicarca precursora shina sirvishpa, mensaje de texto cachashcacunamanbash Bibliamanda yachachishpa catijun.