CALLARI TEMA | TESTIGO DE JEHOVACUNACA ¿PICUNATA CAN?
Testigocunaca ¿imapita crin?
Testigo de Jehovacunaca, ‘Dios escribichishca tucui Shimicuna paillata yarichishpa escribishca’ cajta, ‘chai shimicuna ali cajtami’ crin (2 Timoteo 3:16). Shinallata, Taita Diosmanda yachajungapaj, ali causangapami Bibliata utilizan.
Bibliapica ninmi: ‘Gentecuna yachachun, canba shuti Jehová cajta, canllami tucui Alpamanda Ashtahuan Jatun Dios cangui’ nishpa (Salmo 83:18, NM). Chaimandami Testigocunaca Jehová Diostalla adoran. Ashtahuanbash, Jehová Diospa testigocuna caimandami paipa shutita villachingapaj esforzarin (Isaías 43:10-12).
Shinallata, Jesús cai Alpaman shamushpa Mesías tucushcata, ‘Taita Diospa Churi’ * cashcatapashmi crin (Juan 1:34, 41; 4:25, 26). Huañushca jipa causarishpami Jesusca jahua pachaman cutin tigrarca (1 Corintios 15:3, 4). Jipamanga, Taita Diosca paipa Reinopi rey cachunmi Jesusta agllarca (Apocalipsis 11:15). Chai Reinoca ñami mandajun. Shinallata, chai Reinomi cai Alpataca cutin shuj juyailla paraisota ruranga (Daniel 2:44). Bibliapica ninmi: “Na jariyajcunami, llactataca japinga. Casilla ali causaihuanmi, ninanda cushijunajunga” nishpa (Salmo 37:11, 29).
“Bibliata liishpaca Taita Dioshuan parlajushcashnami sintirin. Ima llaqui ricurijpipash Taita Diospa Shimipimi siempre ayudata mascan. Paicunapaca, Bibliaca causaj cuendami can” (Católico cura Benjamin Cherayath, periódico Münsterländische Volkszeitung, Alemania)
Testigocunaca Bibliapi yachachishcacuna cunanbipash ali cajtami crin (Isaías 48:17, 18). Chaimandami Bibliapi mandashcacunata cazunata yashpa causan. Bibliapica yachachinmi ñucanchi yuyaita, cuerpotaca na mapayachinachu can nishpa. Chaimandami tabacota, drogacunata na chupan (2 Corintios 7:1). Shinallata, Testigocunaca machanata, jarihuan huarmihuan juchapi urmanata, shuhuanata, shuj juchacunatapash na ruranllu (1 Corintios 6:9-11).
^ par. 5 Bibliapica Jesustaca ‘shujlla Churi’ ninbashmi. Jehová Dios imatapash nara rurashpallata, paipa Churita punda rurashcamandami Jesustaca shina nin (Juan 3:18; Colosenses 1:13-15).
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imatata crin?
Testigo de Jehovacunapa 15 crishcacunamanda yachajupai.
GENTECUNAPA TAPUICUNA
Testigo de Jehovacunaca ¿paicunalla ciertopacha ali religión cashcatachu crin?
¿Jesusca, gentecuna salvarichunga tucui religionguna ayudana cashcatachu yachachirca?
BIBLIAMANDA HUAQUIN YACHACHISHCACUNACA
Taita Diosca ¿ima shutita can?
Taita Diostaca Tucui Ushaita Charij, Tucuita Ruraj, Mandaj Dios nishpami rijsin. Cai videopica, Taita Diospa shuti 7 mil yali viajecunata Bibliapi tiajujtami ricuchin.
