¿Nachu huaquinbica tapuripashcangui trabajangapalla, pugllangapalla, cazarangapalla, huahuacunata charingapalla, rucuyangapallachu causana cashcani? nishpa (Job 14:1, 2). Bibliapica ali yachajushca runacunapash shina tapurishcatami yachachin. (Eclesiastés 2:11, liipangui.)

Ñucanchicuna imamanda causashcata intindingapaca, gentecuna imashina tiai callarishcatami yachajuna canchi. Ashtaca gentecunaca ñucanchi uma, ñucanchi cuerpo imashina rurashca cashcata ricushpaca, Taita Diosmi ñucanchicunataca rurashcanga ninmi. (Salmo 139:14, liipangui.) Shinaca, Taita Diosca ¿imapashi ñucanchitaca rurarca? Taita Dios ñucanchita imapa rurashcata intindinami, ñucanchicuna ashtahuan cushilla causachun ayudanga.

Taita Dios punda jarita, punda huarmita rurashpaca, cai Alpata shuj juyailla paraisota rurashpa, mundo enteropi gentecuna mirashpa para siempre causachunmi mandarca. (Génesis 1:28, 31, liipangui.)

Punda jari, punda huarmi na cazujpipash Taita Diosca paipa munaita pactachisha nircami. Bibliapi nishca shinaca, Taita Diosca paipa munaita pactachingapaj, paita cazuj gentecunata salvangapami chai punllamandapacha trabajajushca. Taita Diosca ñucanchicunapash pai munashca shina cushilla causachunmi munan. (Salmo 37:29, liipangui.) Bibliapimi yachachin, Taita Dios munashca shina causangapaj imata rurana cashcata.