Diospa Reinoca jahua cielopimi can. Diospa Reino mandashpami gentecunamanga tranquilo, ali causaita cunga. Chaimandami Jesusca paipa catijcunataca nirca, Diospa Reino shamuchunmi mañana canguichi nishpa. Gente gobiernocunaca nali ruraicunata, ungüicunata tucuchitaca na ushanllu. Shinapash Diospa Reinoca ushangami. Taita Diosca paipa Churi Jesustami paipa Reinopi mandachun churashca. Shinallata, Jesuspa huaquin catijcunatapashmi Jesushuan mandachun agllashca. (Lucas 11:2; 22:28-30, liipangui.)

Ñallami Diospa Reinoca Taita Diospa tucuilla contracunata tucuchinga. Shinaca Diospa Reino shamuchun nishpa mañashpaca, cunan punllacunapi mandajuj tucuilla gobiernocunata tucuchishpa Diospa Reino mandachun nishpami mañanajunchi. (Daniel 7:13, 14; Apocalipsis 11:15, 18, liipangui.)

Gentecunata llaquimandami Jesusca ali mandanga. Ashtahuangarin Jesusca Diospa Churi caimandami ashtaca ushaita charin. Chaimandami gentecuna Taita Diosta ayudahuai nishpa mañajpica paicunata ayudanga. (Salmo 72:8, 12-14, liipangui.)

Taita Diosta cazushpa, canba Reino shamuchun nishpa mañajcunaca ashtaca bendiciongunatami chasquinga. Quiquinbash Diospa Reinomanda Bibliahuan yachajuchunmi munapanchi. Yachajushpaca nunca na arripintiringuichu. (Lucas 18:16, 17; Juan 4:23, liipangui.)