Alcugucunaman galletasta carashcamanda
Estados Unidosmanda Nick shuti huauquiguca: “Huata 2014pi nara testigo cashpaca ñuca alcugucunahuan centropi purijushpami testigo de Jehovacuna shuj pushtugupi siempre predicashpa shayanajujta ricun carcani. Paicunaca ali cambiarishcagucunami tucui gentecunata cushi cushi saludashpa shayanajun carca.
”Testigocunaca gentecunahuanllaca na cushi cushi canllu carca, ñuca alcugucunatapashmi juyashcata ricuchirca. Shuj viajeca Elaine shuti panigumi, ñuca alcugucunamanga alcugucunapa galletasta cararca. Chaimanda caimanga siempremi alcugucunaca galletasta carashca pushtuman aisashpa apahuan carca.
”Huaquin quillacunatami shina ñuca alcugucunaca paicunapa galletasguta carajpi cushijushpa chaiman rin carca. Cutin ñucaca paicunapa parlashcata alicachishpami uyan carcani. Pero ña 70 yali huatacunata charimandami paicunapa nishcacunata na ashta seguro caimanda, mejor uyaitalla uyasha yarcani. Iglesiacunapi nali rurashcacunata ricuimandami, Bibliataca mejor ñucallatami yachajuna cani yuyarcani.
”Chai tiempopica tauca pushtucunapimi testigo de Jehovacuna predicashpa shayanajujtaca ricun carcani. Cushi cushicunami can carca. Ñucapa tapuicunataca siempremi Bibliahuan contestahuan carca. Chaimi paicunapica ashtahuan confiai callarircani.
”Shuj punllaca Elaine paniguca: ‘¿Animalgucunataca Taita Dioscha rurashcanga?’ nishpa tapujpimi ‘ari’ nircani. Chaimi Isaías 11:6-9ta liihuarca. Chaimanda caimanmi ñuca pensajushcacunataca cambiai callarircani. Shinapash paicunapa publicaciongunata liingapaj japinataca nara decidircanichu.
”Huaquin punllacuna jipaca, Elaine paniguhuan paipa cusaguhuanga asha ashami parlai callarircani. Alipacha yuyaicunamandami parlan carcanchi. Paicunaca Mateo libromanda Hechos librocaman liichunmi animahuarca. Chaita liishpami Jesuspa ejemplota catina imapacha cajtaca intindingui nihuarcami. Shina nijpimi ñucaca liinata callarircani. Asha tiempo jipa huata 2016pica, Elaine paniguhuan paipa cusaguhuanmi Bibliamanda yachajui callarircani.
”Cada semana Bibliamanda yachajungapaj, Salón del Reinoman rishpa reuniongunata uyanataca ninandami gushtai callarircani. Biblia imatapacha yachachijujta yachajujuimandaca cushillapachami sintirircani. Ña huata yaliguta Bibliata estudiashca jipami bautizarircani. Cunanga 79 huatacunatami charini. Ali, cabalta yachachi religionda tarishcataca seguromi cani. Jehovata sirvij gentecunahuan, paipa organizacionbi cana bendiciondami Jehová Diosca carahuashca”.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
