1. Cunan punllacunapica ¿imatata ricunajupanchi?

 BIBLIAPA profeciacuna cunan punllacunapi imashina pactarinajushcatami ricunajupanchi. Por ejemplo, mundo enterota mandangapaj “ura lado llactata jatun mandajhuan” “jahua lado llactata jatun mandajhuan” macanajunajujtami ricunajupanchi (Dan. 11:40). Ashtahuanbash, mundo enteropimi Jehová Diospa Gobiernomanda ali villaigucunataca villachinajupanchi. Shinallata ashtaca ashtaca gentecunapashmi Jehová Diosta sirvingapaj decidinajushca (Is. 60:22; Mat. 24:14). Ashtahuanbash espiritualmente ali cangapaca ‘micuna horaspipachami espiritual micunaguta chasquinajupanchi’ (Mat. 24:​45-47).

 2. Jehová Diosca ¿imashinata ayudanga?

² Shamuj punllacunapi imacunalla pasanata ali ali intindichunmi Jehová Diosca ñucanchitaca ayudashpa catijun (Prov. 4:18; Dan. 2:28). Ninan Manllanai Llaqui Tiempocuna chayamujpica Jehovapa ayudahuanmi imatalla ruranataca ña yachapashun. Shina ayudashcamandami aguantashpa, Jehová Diospi confiashpa y huauquipanicunahuan shujllashna tandanajushpa caita ushapashun. Cai temapica shamuj punllacunapi imacunalla pasanata cashcataca ¿imatata intindina capanchi? nishca tapuimanda yachajupashun. Shinallata imata ña intindishcatapashmi ricupashun.

 ¿IMATATA INTINDINA CAPANCHI?

 3. Pundacunaca ¿imatata pensaparcanchi? ¿Imamandata shina pensaparcanchi?

³ Pundacunaca Ninan Manllanai Llaqui Tiempo callarijpica gentecunaca Jehová Diosman quimirina y Armagedón punllapi salvarina oportunidadtaca na charingachu nishpami pensaparcanchi. ¿Imashpata shina pensaparcanchi? Ninan Manllanai Tamia Punllapi gentecunahuan ima pasashcata yachaimandami shina pensaparcanchi. Por ejemplo, Ninan Manllanai Tamia Punlla nara chayajpillatami Jehová Diosca arcapa pungucunataca vicharca. Chaimandami gentecunaca arcaman yaicushpa salvaritaca ñana usharca. Caita intindimandami Ninan Manllanai Llaqui Tiempocuna chayamujpi gentecunaca na salvarita ushangachu nishpa pensaparcanchi (Mat. 24:​37-39).

 4. ¿Imatata intindipashcanchi?

⁴ ¿Ninan Manllanai Tamia Punllacunapishnami shamuj punllacunapipash pasanga nishpa pensanachu capanchi? a Na, porque Bibliapica na chaita yachachijunllu. Jesusca pai trigamuna tiempotaca Noepa punllacunahuanmi compararca. Pero cunanbipash cashnallata pasanga nishpaca na intindichircachu. Shinapash Ninan Manllanai Tamia pasashcacunamandaca yachajuita ushapanchi.

 5. a) Ninan Manllanai Tamia Punlla nara chayamujpillata Noeca ¿imatata rurarca? (Hebreos 11:7; 1 Pedro 3:20). b) Noepa punllapi y cunanbi predicacionga ¿imapillata parecido can?

⁵ Jehová Dios Noé runaguman Ninan Manllanai Tamiatami cachamugrini nishpa  advirtijpica Noé runaguca Jehová Diospi confiashcata ricuchishpami arcata rurai callarirca (Hebreos 11:7; 1 Pedro 3:20​ta liipangui). Shina cuendallatami Jehová Diospa Gobiernomanda gentecuna uyashpaca Jehová Diospi confiashcata ricuchingapaca paicunaca ruraicunahuanmi ricuchina can (Hech. 3:​17-20). Apóstol Pedroca Noé runagutaca “ima ali cajta predicaj” runagumi can nircami (2 Ped. 2:5). Pero imashinami caishuj temapi yachajuparcanchi Noé runagu Ninan Manllanai Tamia shamugrinmi nishpa tucui gentecunaman villashpa advirtishcataca na yachapanchichu. Cunan punllacunapica mundo enteropi tucui gentecunaman predicangapami tucui usharishcaguta ruranajupanchi. Shina ninanda esforzarishpapash Jehovapa punlla nara chayamujpillata, mundo enteromanda tucui gentecunaman villachitaca na ushaparingachu. ¿Imamandata shina nipanchi?

6, 7. Jehová Diospa punlla nara chayamujpillata ¿imamandata na tucui gentecunaman predicaita pactapashun?

⁶ Cunanga predicacionmanda Jesús imata nishcata yachajupashunchi. Jesusca “tucui llactacunapi gentecuna uyachunmi, mundo enteropi” ali villaigucunataca predicanajunga nircami (Mat. 24:14). Jesuspa nishcacunaca cunan punllacunapimi pactarijun. Ñucanchicunaca más de 1.000 idiomacunapimi Jehovapa Gobiernomandaca villachinajupanchi. Shinallata jw.org página tiashcamandapashmi mundo enteromanda gentecuna ali villaigucunata uyaita ushapashca.

⁷ Jesusca paipa discipulocunamanga “tucui llactacunapi nara villachishpa tucuchijpillatami” gentecunata juzgangapaj ñuca tigramuna punllaca chayamunga nircami (Mat. 10:23; 25:​31-33). Jesús nishcashnami cunan punllacunacaman tucui gentecunaman predicaitaca na usharinga. Porque huaquin llactacunapica libre predicaitaca na usharinllu. Shinallata cada minutomi ashtaca ashtaca huahuagucuna nacirishpa catinajun. Chaimandami Jehová Diospa punlla nara chayamujpillata “tucui llacta gentecunaman, tucui familiacunaman, tucui idiomacunata parlajcunaman y tucui pueblocunaman” predicangapaj esforzarishpapash tucuicunaman predicaitaca na pactapashunllu (Apoc. 14:6).

 8. ¿Imatata talvez pensapanchiman? (Fotocunata ricupangui).

⁸ Shinaca talvez cashnachari pensaripashun: “Ninan Manllanai Llaqui Tiempo nara chayamujpillata Jehová Diosta na rijsina oportunidadta charishcacunahuanga ¿imashi pasanga? Paicunataca Jehová y Jesuspash ¿imashinata tratanga?” nishpachari pensaripashun (Juan 5:​19, 22, 27; Hech. 17:31). Cai temapa textopica Jehová Diosca ‘shujllapash na tucuchi tucuchun munanllu’ nijunmi. Paica ‘tucuicuna arripintirichun munan’ ninmi (2 Ped. 3:9; 1 Tim. 2:4). Shinapash Jehová Diosta na rijsina oportunidadta charishca gentecunahuan ima pasanataca Jehová Diosca na villashcachu. Shinapash Jehová Diosca ñucanchiman tucuita villana obligaciondapash na charinllu.

 9. Jehová Diosca ñucanchimanga ¿imatata yachachishca?

⁹ Bibliapica Jehová Diosca huaquin cosascunata rurana cashcatami yachachin. Por ejemplo, Bibliapica ‘nalita ruraj’ gentecuna causarinamandami parlan. Cai gentecunamandaca huaquingunaca Jehová Diosta rijsishpa, cambiocunata rurana oportunidadtaca na charishcangachu (Hech. 24:15; Luc. 23:​42, 43). Bibliapica cashna yachachishcamandami talvez ashtahuan tapuicunata charipashun.

10. ¿Imatata talvez ashtahuan pensaripanchiman?

¹⁰ ¿Ninan Manllanai Llaqui Tiempopi huañushca  gentecunaca para siemprechu tucuchi tucunga? O cutin causarina oportunidadtaca ¿ñanachu charinga? Bibliapica Jehová Diospa y angelcunapa contra shayarishca Armagedonbi tucuchi tucushca gentecunaca na causaringachu ninmi (2 Tes. 1:​6-10). Pero Ninan Manllanai Llaqui Tiempopi terremotocunamanda, accidentecunamanda o pipash huañuchijpi huañushca gentecunahuanga ¿imashi pasanga? (Ecl. 9:11; Zac. 14:13). Cai huañushca gentecuna ¿‘nalita rurajpuracunapi’ cashcamandaca causachi tucungacha? nishpami talvez pensaripanchiman.

IMATA ÑA INTINDIPASHCANCHI

11. Armagedón punllapica ¿imata ricushpata Jehová Diosca gentecunataca juzganga?

¹¹ Shamuj punllacunapi huaquin cosascuna pasanataca alimi yachapanchi. Por ejemplo, Armagedón punllapica Jesuspa catijcunata imashina tratashcata ricushpami gentecunataca juzganga (Mat. 25:40). Jesusta y ungidocunata apoyajcunataca llamagutashnami Jehová Diosca ricunga. Ashtahuanbash huaquin ungidocunaca Ninan Manllanai Llaqui Tiempocunapimi cai alpapi cashpa catinga. Shinapash Armagedón punlla nara chayamujpillatami jahua cieloman apai tucunga. Shinaca ungidocuna cai alpapi cashpa catingacamanga ali shunguta charij gentecunaca paicunata apoyana oportunidadtami talvez charinga (Mat. 25:​31, 32; Apoc. 12:17).

12, 13. Importante Babilonia Llacta tucuchi tucujta ricushpaca huaquingunaca talvez ¿imatata ruranga? (Fotocunata ricupangui).

¹² Ashtahuanbash Ninan Manllanai Llaqui Tiempocuna callarishca jipaca talvezpashmi huaquingunaca “Importante Babilonia Llacta” tucuchi tucujta ricunga. Cai llacta tucuchi tucunataca testigo de Jehovacunaca ashtaca huatacunatami villachinajupashcanchi. Shinaca “Importante Babilonia Llacta” tucuchi tucujta ricushpami huaquingunaca Jehovata rijsishpa, paipa lado tucunata talvez decidinga (Apoc. 17:5; Ezeq. 33:33).

¹³ Cunanga Moisés causashca tiempocunapi pensaripashun. Egipto llactamanda israelitacuna llujshinajujpica ‘shican shican ashtaca  ashtaca gentecunapashmi’ paicunahuan llujshirca. Talvez huaquin egipciocunaca diez plagacunata ricushpami Jehová Diospi cri callarishcanga (Éx. 12:38). Shinaca Importante Babilonia Llacta tucuchi tucushca jipa Jehovapa punlla ña chayamunallapi nalita ruraj gentecuna Jehovapi cri callarishpa paita sirvij callarijpica ¿imashinata sintiripanchiman? Ñucanchicunaca Jehová Dios “llaquij, juyaj, na ñapash fiñarij, na llullaj” Diospa ejemplota catingapami munapanchi (Éx. 34:6). b

14, 15. ¿Ninan Manllanai Llaqui Punlla nara chayamujpillata huañuimanda o nunca na predicashca pushtupi causaimandallachu para siempre causaita ushanga nita ushapanchi? (Salmo 33:​4, 5).

¹⁴ Talvezpashmi pipash: “Ñuca familiaca Jehová Diostaca na sirvinllu, chaimandami paicuna causarina oportunidadta charichunga Ninan Manllanai Llaqui Tiempocuna nara chayamujpillata huañushparapashmi talvez ali canman” nijtachari uyapashcangui. Talvez cai personaca paipa familiata juyaimandachari shina pensan. Pero Ninan Manllanai Llaqui Tiempo chayamujpi o nara chayamujpi huañushcamandalla causarina oportunidadta charinga nishpaca na seguraita ushapanchichu. Porque Jehová Diosllami chaitaca decidin. Y paica justo, perfecto, cashcata ricuchishpami decidin (Salmo 33:​4, 5​ta liipangui). “Cai mundo enteropa Juez” Jehová Diosca tucuita alita rurana cashcataca seguromi capanchi (Gén. 18:25).

¹⁵ Jehová Diosca paipa Gobiernomanda nunca na uyashca gentecunataca “chivocunashnami” can nishpaca na ñapash ricunllu. Shinallata predicangapaj na chayashca pushtucunapi causashcamandalla para siempre causana oportunidadtami charinga nitapash na ushapanchichu (Mat. 25:46). Ninan Manllanai  Llaqui Tiempocunapi Jehová Dios imatapacha ruranataca na yachapanchichu. Pero Jehová Diospaca tucui gentecuna importantepacha cashcataca alimi yachapanchi. Jehovapa punllapi ima pasajta ricushpami huaquin gentecunaca Jehovapa shutita rijsina oportunidadta charishpa talvez crii callaringa (Ezeq. 38:16).

16. Jehová Diosmandaca ¿imacunatallata yachanchi? (Fotota ricupangui).

¹⁶ Bibliapica Jehová Dios gentecunapa causaita ninanda valichin cashcatami yachajupashcanchi. Jehová Diosca ñucanchicunapa para siempre causana oportunidadta charichunmi paipa churi Jesuspa causaita ñucanchimanga curca (Juan 3:16). Tucuicunallatami Jehová Dios ñucanchita juyaihuan, llaquishpa tratashcata cuenta japipashcanchi (Is. 49:15). Ñucanchicunataca cada unotami shutipi rijsin. Shinallata ñucanchita ali ali rijsimandami, huañujpipash paica ñucanchicuna imashina cashcashnallata ñucanchi pensamientocunahuanllatami causachita ushan (Mat. 10:​29-31). Jehová Dios llaquij, justo Dios cashcamandami cada unota aliguta ricushpa juzganataca alimi yachanchi (Sant. 2:13).

17. Cati temapica ¿imatata yachajupashun?

¹⁷ Caipi yachajushcashnaca predicana ninan urgente cashcatami cuenta japipashcanchi. ¿Imamandata shina nipanchi? Ashtahuan predicashpa catichunga ¿imata ayudanga? Cati temapimi cai tapuicunamanda ashtahuan yachajupashun.