Bibliapica ciertopacha tiashca ashtaca jaricuna, huarmicunamandami parlan. Paicunaca shuj shuj sentimientocunatami charirca. Paicunapa experienciacunata liishpaca, ñucanchipash tal vez paicunashnami sintirishun.

Tucuicunallatami ñucanchicunata intindichun munanchi. Salud mental unguihuan cashpacarin ashtahuanmi minishtinchi. Bibliapi gentecuna imata pensashcata, imashina sintirishcata liishpaca, tal vez paicunashnachari sintirinchi. Caita yachanami na ñucanchilla ansiedadhuan, nali yuyaicunahuan, preocupacionhuan ninanda sufrijushcata intindichun ayudan.

• Bibliapica huaquin jaricuna ñana imata ruranata atinashpa, fuerza illaj sintirishpa imata nishcatami parlan. ¿Ima horapash “ñana aguantanichu, ñana shina causai ushanichu” nishpa pensaripashcanguichu? Chashnami Moisés, Elías, Davidpash sintirirca (Números 11:14; 1 Reyes 19:4; Salmo 55:4).

• Bibliapica Ana shuti huarmimandami parlan. Paica huahuaguta na chari ushashpami, shungu ucucaman llaquilla carca. Chaimi chaishuj huarmica paimanda ninanda burlarin carca (1 Samuel 1:6, 10).

• Tal vez quiquinbash Bibliapi parlashca Job runagushnachari sintiringui. Paica shinlli feta charishpapash yapa llaquilla sintirishpami cashna nirca: ‘Ñuca causaitaca millanayanmi, napacha causangapaj munanichu’ nishpa (Job 7:16).

Tucui cai gentecunami paicunata llaquichij pensamientocunata mishai usharca. Ñucanchicunapashmi paicunashnallata shinlli tucushpa ñaupaman catita ushanchi.