CALLARI TEMA | BIBLIACA ¿IMASHINATA CUNANGAMAN TIASHPA CATISHCA?
¿Imamandata Bibliaca tiashpa catishca?
Biblia tiashpa catishcamandami cunan punllacunapica shuj Bibliata charishpa liita ushanchi. Shuj ali traduccionda tarishpaca Taita Diospacha escribichishca shimita liijujtaca seguromi cana capangui. * Shinapash ¿imamandata Bibliaca tucurinalla materialcunapi escribijpipash, gentecuna tucuchingapaj munajpipash, panda yuyaicunata churangapaj munajpipash tiashpa catishca? ¿Imamandata Bibliaca alipacha libro can?
“Cunanmi Bibliata Taita Dios carashcataca seguropacha cani”
Bibliata estudiaj gentecunapashmi apóstol Pabloshna sintirishca. Apóstol Pabloca nircami: “Dios escribichishca tucui Shimicunaca, paillata yarichishpa escribishcami” can nishpa (2 Timoteo 3:16). Paicunaca crinmi, Bibliaca Taita Diospa Shimipacha cajta, Taita Diosllata paipa Shimita ama chingarichun ricuriajushcatami crin. Callari temapi parlashca Faizal shuti runaguca, ashtaca tapuicunataca paillata Bibliata estudiashpa yachangapami munarca. Paica manllarishpami cuenta japirca paipa iglesiapi yachachishcacunaca Bibliapi na tiajushcata. Ashtahuangarin, Taita Dios cai Alpapi paipa munaita imashina pactachinatami Bibliapi yachajurca.
Faizalca ninmi: “Cunanmi Bibliata Taita Dios carashcataca seguropacha cani. Cai Alpata ruraj Taita Diosca ¿nachu pai escribichishca Shimita ñucanchiman carangapaj, ama chingarichun cuidajtapash ushanga? Paipa Shimi ama chingarichun na cuidaita ushangachu nishpaca, Taita Diosca na poderta charinllu nijuj cuendami caiman. Taita Diosca na poderta charinllu ningapaca ¿ñucaca pita caniyari?” nishpa (Isaías 40:8).
^ par. 3 Ashtahuan yachangapaj munashpaca 1 de mayo de 2008 huatapi llujshishca “Cómo escoger una buena traducción de la Biblia” nishca temata ricupangui.
Cai temacunata ashtahuan liipai
VILLAJUN REVISTA
Bibliata liinaca ¿alichu can?
Biblia imashina ayudajta na yachashpapash ashtaca gentecunami Bibliataca respetan.
BIBLIAMANDA HUAQUIN YACHACHISHCACUNACA
Biblia cabalta nijushcataca ¿imamandata crita ushanchi?
Bibliataca Taita Diospachami escribichishca. Chaimandami Bibliaca na shuj librocunahuanga igual can.
