HUAQUIN GENTECUNACA NINMI: Diospa Reinoca ñucanchi shungupimi can nishpa. Cutin shujcunaca ninmi, tucuilla gentecuna cai Alpapi ali causai tiachun ayudajpimi Diospa Reinoca tiai callaringa nishpa. Shinapash ¿imatata quiquinga nipanguiman?

BIBLIACA NINMI:

“Jatun Diospash, pai cachamushca Quishpichij Cristopash, cai pachapi tiaj tucui llactacunata mandajuna punllami pactashca. Paimi, causaita causaicaman mandajunga” nishpa (Apocalipsis 11:15). Diospa Reinoca mandana gobiernomi can.

¿IMATATA BIBLIACA ASHTAHUAN NIN?

• Diospa Reinoca jahua pachamandami mandanga (Mateo 10:7; Lucas 10:9).

• Taita Diosca jahua pachapipash cai Alpapipash paipa munaita pactachingapami pai mandana gobiernota churashca (Mateo 6:10).

¿IMATATA NIPANGUIMAN?

• Pipash na yachanllu

• Ñallami shamunga

• Na shamungachu ¿nipanguimanllu?

BIBLIACA NINMI:

‘Taita Dios mandajuj ali villaitaca, cai pachapi tiaj tucui llactacunapi causajcuna yachachunmi villanajunga. Chai jipami, tucurimuica chayamunga’ nishpa (Mateo 24:14). Ali villaicunata villachishpa tucuchijpimi, Diospa Reino shamushpa cai Alpapi tucuilla nali ruraicunata tucuchinga.

¿IMATATA BIBLIACA ASHTAHUAN NIN?

• Diospa Reino ima punlla, ima horaspacha shamunataca pipash cai Alpapica na yachanllu (Mateo 24:36).

• Bibliapica nijunmi, Taita Diospa Reinoca ñallami shamunga (Mateo 24:3, 7, 12).