¿Imashinata ali saludta charita ushapanchi?
Bibliaca jambicunamandaca na parlanllu. Shinapash gentecuna ali saludta charichun alipacha consejocunatami Bibliapica tarita ushapanchi. Ali saludta charingapaj Bibliapa huaquin textocunata ricupashunchi.
CUERPOTA CUIDAPASHUNCHI
BIBLIAPICA NINMI: “Pipash paipaj cuerpotallataca na millanayachinllu. Ashtahuangarin aliguta micushpa alichirinatami [o cuidanatami] yachan” (Efesios 5:29).
¿IMATATA NINGAPAJ MUNAN? Cai textoca ali saludta charingapaj ninanda cuidarina cashcatami yachachin. Huaquin estudiashcacunaca cashnami nin: Gentecunaca nali causaimanda o nalicunata ruraimandami nali saludtaca charin nishpa. Shinaca ali saludta charingapaca nali ruraicunatami saquina can.
¿IMATATA RURAI USHAPANGUI?
-
Sano, ali micunata micuna. Sano, ali micunata micungapaj esforzaripangui. Yacutapash ufiapangui.
-
Ejerciciota rurana. Huahua cashpa, joven cashpa o mayorlla cashpa o imapash ungüita charishpapash ejerciciota ruranami ali saludta charichun ayudaita ushan. Tal vez amigocuna, familiacuna o doctorcunapashmi ejerciciota rurana cangui nishpa animaita ushan. Shinapash ejerciciota ruranata o na ruranataca cada unomi ricuna can.
-
Ali puñuna. Ashtaca gentecunaca puñunapa randica shuj shuj cosascunatarami ruran. Asha horastalla puñujushpaca, imapash nali ungüitami chari ushapangui. Cutin ali puñushpaca alimi sintiripangui.
NALI RURAICUNATA SAQUINA
BIBLIAPICA NINMI: ‘Ñucanchi cuerpotapash, ñucanchi espiritutapash mapayachinamandaca anchuchinami canchi’ (2 Corintios 7:1).
¿IMATATA NINGAPAJ MUNAN? Nali ruraicunamanda o tabacota chupanamanda cuidarishpaca ali saludtami charipangui. Shinami imapash ungüicunamanda o huañuimandapash quishpirita ushapangui.
¿IMATATA RURAI USHAPANGUI? Tabacota chupanata saquingapaj shuj punllata agllapangui. Chai punllataca shuj calendariopi anotapangui. Shinallata pipash quiquinda ayudajushpaca ima punlla tabacota chupanata saquigrijujta villapangui. Chai punlla nara chayajpillatami tucui tabacocunata shitapangui. Shinallata gentecuna tabacota chupanajujta ricushpaca ama paicunaman quimiripanguichu.
BIBLIAPA YACHACHISHCACUNA
Shuj Bibliata charingapaj munashpaca, shuj testigo de Jehovahuan parlapangui.
ALIGUTA PENSARIPANGUI
“Mushuj huasita huasichishpaca, huasi jahua muyundipi patata rurangui. Shina rurashpami, maijambash chai jahuamanda urmashpa huañujpipash, na juchachi tucungui” (DEUTERONOMIO 22:8).
AMA ÑAPASH FIÑARIPANGUI
“Na ñapash fiñarij runaca, ali yuyaitapachami charin. Ashtahuangarin shungupi ñapash fiñarij runaca, shinlli shungu cajtami ñapash ricuchijun” (PROVERBIOS 14:29).
AMA YAPATA MICUPANGUI
“Aichatalla [o yapata] micujcunahuambash, ama tandanajunguichu” (PROVERBIOS 23:20).
Cai temacunata ashtahuan liipai
RIJCHARIPAICHI REVISTA
Cushilla cangapaca sano cana, ñaupaman catinami minishtirin
Cuidarijujpipash imapash ungüi japijpica ¿imatata rurashun? ¿Llaquirishpallachu causashun?
