¿Imatata Bibliapica nin?
Diabloca ¿pita o imata can?
Diabloca...
... shuj espiritumi can,
... ñucanchi shungu ucupi nali munaimi can,
... o shuj yanga parlollami can ¿nipanguimanllu?
BIBLIACA NINMI
Diabloca Jesushuan parlashpami Diosta ama cazuchun pandachingapaj munarca (Mateo 4:1-4). Shinaca, Diabloca na shuj yanga parlolla o ñucanchi shungupi nali munaillachu can. Diabloca ciertopachami tian. Paica millai, nali espiritumi can.
¿IMATATA BIBLIACA ASHTAHUAN NIN?
Diabloca shuj ali angelmi carca. Shinapash, ‘llullashpa causanatami’ mascarca (Juan 8:44). Diabloca jatun llullacunata nishpami Taita Diospa contra tucurca.
Huaquin angelcunapashmi Satanás Diablopa lado tucurca (Apocalipsis 12:9).
Diabloca pai na tiashcatami gentecunamanga crichin (2 Corintios 4:4).
Diabloca ¿gentecunata controlai ushanllu?
HUAQUIN GENTECUNACA NINMI chaica yanga parlollami can nishpa. Cutin shujcunaca ayacuna cuerpoman yaicunataca ninandami manllan. Quiquinga ¿imatata pensapangui?
BIBLIACA NINMI
“Cai pachapajtalla rurashpa causajcunataca, diablomi tucuicunata mandajun” nishpa (1 Juan 5:19). Diabloca ashtaca gentecunata nalita rurachun umachishpapash, na tucui gentecunata controlai ushanllu.
¿IMATATA BIBLIACA ASHTAHUAN NIN?
Diabloca paipa munaita rurachunmi ashtaca gentecunata umachin (2 Corintios 11:14).
Huaquinbica ayacunaca gentecunapa cuerpoman yaicushpami gentecunata controlai ushan (Mateo 12:22).
Taita Diospa ayudahuanga, Diablota mishashpami paimanda caruyai ushangui (Santiago 4:7).
Cai temacunata ashtahuan liipai
BIBLIAPA TAPUICUNA
¿Diabloca ciertopachachu tian?
¿Diabloca ciertopachachu tian? o ¿nali ruraicunata ricuchingapachu Diablo shimitaca utilizan?
