PARLAI CALLARINGAPAJ
LECCIÓN 3
Gentecunata llaquishpa tratapashunchi
Bibliapica ninmi: “Juyaita charijcunaca […] shujcunata llaquinmi” (1 Cor. 13:4).
Jesús imata rurashcata ricupashunchi
1. Chaipaca VIDEOTA ricupai o Juan 9:1-7ta liipai. Liishca jipaca cai tapuicunata contestapai:
-
Jesusca ñausa jarimandaca, ¿imatata pundapica rurarca? (Juan 9:35-38ta ricupai).
Jesuspa ejemplomandaca ¿imatata yachajupanchi?
2. Gentecunaca paicunamanda ciertopacha preocuparijta ricushpami, uyangapaj munan.
Jesuspa ejemplota catipai
3. Gentecunamanda preocuparishcata y paicunata intindishcatami ricuchina capangui. Paicuna imashina sintirishcapimi pensarina capangui.
-
“Gentecunaca ¿imacunamandata preocuparin? ¿Imatata uyangapaj munan? ¿Ima yuyaicunata paicunataca ayudanga?” nishpami tapurina capangui. Shina tapurishpami gentecunamanda ciertopacha preocuparishcata y paicunata llaquishcata ricuchipangui.
-
Gentecuna paicunapa problemacunamanda o imashina sintirishcata parlai callarijpica, paicunamanda ciertopacha preocuparishcata ricuchingapami aliguta uyana capanchi.
4. Juyaihuan, respetohuanmi parlana capangui. Gentecunata ciertopacha ayudangapaj munashcataca ñucanchi parlashcacunahuanmi ricuchipanchi. Chaimandami imata ninata, imashina ninataca nara parlashpallata aliguta ricuna capangui. Shinami gentecunataca na llaquichishun.
5. Gentecunata ayudapangui. Imagupipash ayudai ushashpaca, ayudanallami capangui. Shina rurajpimi, gentecunaca ñucanchihuan parlangapaj munanga.
