Testigo de Jehovahuan Bibliata yachajujushpaca, nara shamujpillata imata yachajunata prepararinguipashchari. Diosmanda yachajushpa catingapaca tandanajuicunapa prepararinapashmi minishtirin. Ali prepararichunga ¿imata ayudapanga?

Maipi, ima horas prepararinata mascana. Prepararingapaca ¿ima horasta quiquinbaca ali capan? ¿Tutamanda nara trabajoman rishpallata o tuta huahuacuna ña puñunajujpichu ali capan? Ninanda ocupado cashpapash, prepararingapaj mashna tiempota utilizagrijushcata agllashca jipaca, imapash jarcachunga na saquinachu capangui. Prepararigrijushpaca radiota, teleta, celulartapash apagashpami chulunlla pushtuta mascana capangui. Prepararingapaj Diosta mañanaca, problemacunata cungashpa Bibliapi ima nishcata ali intindichunmi ayudapanga (Filipenses 4:​6, 7).

Tandanajuicunapi comentangapaj respuestacunata señalana. Callaringapaca temata, subtitulocunata ricushpa imata yachajugrijushcapi yuyapai. Shinallata dibujocunata, fotocunata ali pensarishpa ricupai. Yachajushcata yaringapaj tapuicunatapash liipai. Chai tapuicunapimi minishtirishca yuyaicunata ricuchin. Chai jipaca cada parra­fota liishpa respuestacunata mascapai. Respuestacunata tarishpaca, yarinalla shimicunata señalanami maijan respuesta cajta yarichun ayudapanga. Bibliapa textocuna libropi o folletopi na copiashca tiajujpica, Bibliapi mascashpa temapa yuyaita imashina intindichijta ricupai (Hechos 17:11). Ashtahuanbash tandanajuipi comentangapaj munashpaca maquita alzashpami quiquin intindishcata parlanalla capangui.

Tandanajuicunapi yachajuna temacunata cada semana prepararishpaca Bibliamandami ashtahuan yachajushpa catipangui (Mateo 13:51, 52).

• Tandanajuicunapa ali prepararingapaca ¿imatata rurana capangui?

• Tandanajuipi comentangapaca ¿imatata rurana capangui?