JW.ORG paginapica ashtahuanbachaca Taita Diosmanda yachangapaj munaj gentecunata ayudangapami ashtaca temacuna y videocunapash tian (Hch 13:48). Gentecunaca chairalla llujshishca noticiacunamandami siempre parlan. Chaimandami jw.org paginapa callari partepica chai noticiacunamanda parlaj temacuna llujshin.

JW.ORG paginapa callari partetaca ¿imashinata predicangapaca utilizaita ushanchi?

• JW.ORG paginapi chairalla llujshishca temacunata ricuriapangui. Ima temacunalla llujshijushcata ricupai. Chai jipaca chai temacunata predicangapaj imashina utilizaita ushashcata ricupai (Chairalla llujshishca shuj temacunatapash taringapaca “Ashtahuan ricungapaj” nishca partepi llapipangui). Shina rurashpaca siempremi predicangapaj alipacha yuyaicunata chari ushapangui.

• Parlai callaringapaca jw.org paginapa callari partepi llujshishca temacunata, videocunata utilizapangui. Cai temacuna y videocunaca gentecuna imacunamandalla preocuparijta yachachunmi ñucanchitaca ayudanga.

• JW.ORG callari paginata ricuchipangui. Huaquin temacunata agllashpa ricuchipangui. Shinallata imashina informacionda mascanatapash ricuchipangui.

• Shuj enlaceta compartipangui. Huaquingunaca testigo de Jehovacunahuan en persona parlanataca na gushtanllu. Shinapash ñucanchi paginamanga tranquilomi yaicun. Chaimandami yachangapaj munaj gentecunata tarishpaca jw.org callari paginaman yaicuchun, shuj temamanda o shuj videota ricuchun shuj enlaceta cachanalla capangui.