Shuj shuj llaquicuna tiashcamandami cai último punllacunapica causaica difícil can. Y llaquicunaca ashtahuan ashtahuanmi mirashpa catinga. Chaimandami huaquin cosasgucunapash illa quidaita ushanchi (Hab 3:16-18). Culqui faltalla cashpapash ¿imashinata na desanimarishpa ñaupaman catita ushapanchi? Jehová Dios ayudanapimi seguro cana capanchi. Jehová Diosca paipa amigocunataca cuidashami ninmi. Ima pasajpipashmi ñucanchicunamanga minishtishca cosasgucunataca caraita ushan (Sl 37:18, 19; Heb 13:5, 6).

¿Imatata ruraita ushapangui?

• Jehová Diostaca ali yachaita carahuai nishpa paipa ayudata mañapai (Sl 62:8).

• Imapi trabajana cashpapash dispuesto capai (g-S 1/10 8, 9, recuadrocunata ricupangui).

• Tucui punllacuna Bibliata liinata, reuniongunaman rinata, predicanataca ama saquipaichu.

FAMILIA UCUPI SHINLLITA SHAYACHISHCA HUASISHNA CACHUN AYUDASHUNCHI: “IMAGUTA CHARISHPAPASH, CHAIHUANLLA CUSHIJUSHPA CAUSANGUICHI” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Videopi ricushca familiacunaca ¿ima llaquicunatata charirca?

• Ñucanchi causaipica ¿imata ashtahuan importante can?

• Culqui faltalla cajcunataca ¿imashinata ayudaita ushapanchi?