¿IMAMANDATA MINISHTIRISHCA CAN? Cunan tiempocunapi ashtaca shuhuacuna mirashcamandami gentecunaca intercomunicador nishca aparatocunata huasicunapica charin. Chaimi villachinajuj horas na ñavi ñavi gentecunahuan parlaita ushashpami villachinataca ashata manllanchi. Shinapash intercomunicador nishcata utilizashpa tranquilo villachi ushangapaca cai cati yuyaicunami ayudanga.

¿IMATATA RURASHUN?

• Gentecuna uyanga yashpami villachina capangui. Huasicunapi intercomunicador nishcata charij gentecunaca ñucanchihuan parlangapaj munanllami.

• Huaquin intercomunicador nishca aparatocunaca huasi pungupi shayarishcahuanmi ñapash grabai callarin. Chaimandami huasi ucumandaca pipash quiquinda ricushpa, quiquin parlajushcatapash uyaita ushan.

• Punguta timbrajpi pipash chai intercomunicador nishcata contestajpica chai personahuan ñavi ñavi parlajujpishnami cushilla, maquitapash cuyuchishpa tranquilo parlana capangui. Chai persona quiquinhuan parlangapaj llujshishpa paihuan ñavi ñavi parlangapaj prepararishcashnami parlana capangui. Cámara tiajpica na yapatachu camaramanga quimirina capangui. Shinallata punguta timbrajujpipash pipash na contestajpica na imapash mensajetaca saquinachu capanchi.

• Intercomunicador nishcata utilizashpa shuj personahuan parlaita tucuchijpipash chai intercomunicador nishcaca grabashpami catin. Chaimi ucupi tiajuj personaca quiquindaca ricushpa, uyashpa catita ushan.