Quiquin causajuj llactapi imapash llaqui tiajpica ¿imata ruranataca ñachu yachapangui? Na yashcapimi terremotocuna, acapanacuna tiajpi, bosquecuna rupajpi o ninanda tamiashpa yacucuna jundajpimi ninanda llaquichita ushan. Shinallata huaquinbica na yashcapimi ataques terroristas o guerracuna tiaita ushan. Ashtahuanbash ungüicunapash o problemacunapash ñapashmi tiai ushan (Ec 9:11). Chaimi shina llaquicuna ñucanchi causajuj llactapica na pasangachu nishpaca na pensana capanchi.

Shina llaquicuna na yashcapi ricurimandami ña prepararishca cana capanchi (Pr 22:3). Imapash llaquicuna tiajpica Jehová Diospa organizacionga ayudanmi. Shinapash ama yapata llaqui apangapaca cunanmandallatami imagutapash rurashpa prepararina capanchi (Gál 6:5).

TERREMOTOCUNA O SHUJ LLAQUICUNA TIAJPI IMATA RURANATA CUNANMANDALLATA YACHAJUPASHUNCHI, NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Llaquicuna ricurijpica ¿imashinata Jehovahuan ali amigo canaca ayudan?

• Minishtirishca yuyaicuna.

  • • Llaquicuna nara tiajpillata, llaqui apashca cashpa o ña apashca jipaca ¿imamandata ancianocunahuan parlarinaca ali can?

  • • Imapash llaquicuna pasanga yashpa shuj mochilapi shuj cosascunata seguranaca ¿imamandata minishtirishca can? (g17.5-S 6).

  • • Imapash llaquicuna tiai ushashcata parlarina, shinallata chai llaquicunapi imata ruranata yachanaca ¿imamandata minishtirishca can?

• ¿Imashinata llaqui apashcacunataca ayudaita ushapanchi? Quimsa yuyaicunamanda parlapai.