Ñucanchi congregacionbica Jehovata ashtaca huatacunata sirvij huauquipanicunatami talvez charipanchi. Ñucanchica paicuna Jehovapi confiashcashnallatami confiana capanchi. Paicuna ima problemacunata charishpapash Jehová Diospa ayudahuan imashina ñaupaman catishcata, Jehovapa organización punda imashina cashcata parlachun mañanallami capanchi. Chaipaca Familiahuan Adorana Tutapimi chai huauquipanicunataca invitaita ushapanchi.

Quiquin ashtaca huatacunata Jehovata sirvijushpaca, Jehová Dios quiquinda imashina ayudashcatami jovenlla huauquipanicunaman parlaita ushapangui. Jacobpash, Josepash paicunapa miraicunamanga Jehová Dios imashina paicunata ayudashcatami villarca (Gé 48:21, 22; 50:24, 25). Jipamanga Jehová Diosllatami pai imata rurashcata huahuacunaman parlachun taitamamacunamanga mandarca (Dt 4:9, 10; Sl 78:4-7). Cunanbipashmi taitamamacunapash, congregacionmanda huauquipanicunapash Jehová Dios paipa organización ñaupaman catichun imashina ayudashcata joven huauquipanicunaman parlaita ushan.

CATIRIASHPA LLAQUICHIJPIPASH JEHOVÁ DIOSTACA NA SAQUIRCACHU NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Austria llactamanda Betelca ¿imashinata villachinata prohibishca pushtucunapi causaj huauquipanicunataca ayudarca?

• Chai huauquipanicunaca Taita Diospi tucui shunguhuan crishpa catingapaca ¿imatata rurarca?

• Rumania llactamanda huauquipanicunaca ¿imamandata Jehová Diospa organizacionmandaca separarirca? Shinapash chai huauquipanicuna cutin tigrachunga ¿imata ayudarca?

• Cai videoca ¿imashinata quiquindaca Taita Diospi tucui shunguhuan crichun ayudan?