Cai folletopi textotapash, chai textomanda comentariotapash ¿cada punllachu liinajupanchi? Na liinajushpaca ¿imatata rurai ushapanchi? Ashtacacunami cada punllapa textotaca tutamandata liin. Shinami punllapi imagutapash ruranajushpaca punllapa textotaca yaria caita ushan (Jos 1:8; Sl 119:97). Cada punllapa textota aliguta intindingapaca ¿imatata rurana capanchi? Chaipaca chai textomanda shuj versocunatapashmi liina capanchi. Shinallata textopa consejota ali intindingapaca Bibliapa shuj historiapimi pensarina capanchi. Chai jipaca ñucanchi causaipimi pactachina capanchi. Bibliapa nishcacunata catishpa ali decisiongunata japishpaca ñucanchillatami ali causashun. Jehová ñucanchita yachachichunbashmi saquinajushun (Sl 119:105).

Betelcunapi sirvij huauquipanicunaca Cada punlla Diospa Shimita intindingapaj folletotaca desayunajuj horaspimi liin. Cunanbica Betelpi Tutamanda Bibliata Yachajungapaj Programaca JW Broadcasting^® programapi SHUJ SHUJ TANDANAJUICUNA nishca partepimi llujshin. Chaicunamandaca ¿maijandata chairalla ricupashcangui? Ñucanchi minishtishca consejocunatami chai programacunapica uyaita ushapanchi. Cunanga Lot runagupa causaimanda yachajuna imashina ñucanchi causaipi ayudajta ricupashunchi.

CAI MUNDOPI TIASHCA COSASCUNATACA NA JUYANACHU CAPANCHI (1JN 2:15) NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Betelpi Tutamanda Bibliata Yachajungapaj Programapica ¿maijan textomandata intindichirca?

• Cai mundopi tiashca cosascunata juyana nali cashcataca ¿imashinata Lot runagupa causaimanda ricushpa yachajuita ushapanchi? (Gé 13:12; 14:12; 19:3, 12, 13, 24-26).

• ¿Imashinata Jehová Diosta juyashcata ricuchi ushapanchi? Cutin ¿imashinata cai mundopi tiashca cosascunata na juyashcata ricuchi ushapanchi?