Quimsa Punlla Jatun Tandanajuicunataca ¿imamandata ninanda gushtapanchi? Israelitacunapa tiempocunapishnami Jatun Tandanajuicunapica ashtaca ashtaca huauquipanicuhuan tandanajushpa Jehová Diosta alabanchi. Chai tandanajuicunapica Jehovamandami yachajunchi. Shinallata ñucanchi amigocunahuan, familiacunahuanmi tiempoguta yali ushanchi. Chai tandanajuicunata valoraimandami ni shuj punllatallapash na faltangapaj esforzarinchi.

Jatun Tandanajuicunapi cashpaca shujcunatapash juyashcata ricuchingapami esforzarina capanchi (Gál 6:10; Heb 10:24, 25). Ñucanchi ocupana asientocunatalla ocupashpa, huauquipanicunata imagupipash ayudashpami juyashcataca ricuchinchi (Flp 2:3, 4). Jatun Tandanajuicunapica shuj shuj huauquipanicunahuanmi amigo tucuita ushapanchi. Jatun Tandanajuipa programa nara callarijpillata o ña tucurishca jipa o almorzana horaspimi huauquipanicunata rijsita ushapanchi (2Co 6:13, TNM). Chai huauquipanicunahuanga paraíso alpagupipashmi amigo cashpa catishun. Ñucanchipura ciertopacha juyarishcata ricushpaca talvez shujcunapashmi Jehová Diosta sirvingapaj munanga (Jn 13:35).

INTERNACIONAL JATUN TANDANAJUICUNA “JUYAICA IMAHORAPASH NA TUCURINLLU” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Huata 2019​pa asamblea Internacionalman shuj llactamanda shamushca huauquipanicunataca ¿imashinata ñucanchi huauquipanicunaca chasquirca?

• Jehová Diosta sirvijcuna paicunapura juyarishcata, tandanajushca cashcata ricushpaca ¿imatata shuj gentecunaca yuyan?

• Cuerpo Gobernantepi sirvij huauquicunaca ¿imatata juyaimandaca yachachirca?

• Alemania llactapi y Corea del Sur llactapi huauquipanicunaca ¿imashinata juyashcataca ricuchirca?

• ¿Imatata tucuicunallata rurana capanchi?