Lucas 3:1-38
3 Roma llactapa rey* Tiberioca ñami 15 huatacunata Roma llactapa gulpi llactacunata mandajurca. Chai punllacunapica, Poncio Pilatomi Judea llactapa gobernador carca. Galilea llactataca Herodesmi* mandajurca. Cutin paipa huauqui Filipoca Iturea y Traconítide nishca llactacunatami mandajurca. Shinallata, Lisanias shuti gobernadormi Abilene llactataca mandajurca.
2 Anás y Caifasca sacerdote principalcunami* carca. Chai punllacunapimi, Zacariaspa churi Juanga desiertopi carca. Chaipimi Taita Diosca shuj villaita Juanmanga curca.
3 Chaimi Juanga, Jordán yacu lado tucuilla llactacunapi cashna nishpa predicajurca: “Arripintirishcata ricuchishpami bautizarina canguichi. Shina rurajpimi Taita Diosca cangunapa pecadocunata perdonanga” nishpa.
4 Profeta Isaiaspa libropi escribishcashnami pactarirca. Isaiasca nircami: “Desiertopimi shuj runaca cashna nishpa caparijurca: ‘Jehová* Diospa ñanda pascapaichi. Paipa ñangunata derechashpa saquipaichi.
5 Tucuilla pugru pambacunapica alpatami jundachina canguichi. Tucuilla urcucunatapash y lomacunatapashmi planoyachina canguichi. Quingu ñangunatapash derechanami canguichi. Utuju utuju ñangunatapash igualanami canguichi.
6 Tucuilla gentecunami Taita Dios imashina salvajtaca ricunga’” nircami.
7 Ashtaca gentecunami paicunata bautizachun Juanbaman rinajurca. Chaimi paicunataca ni callarirca: “Millai culebrapa huahuacunashnami canguichi. Cangunaca ¿Taita Dios castiganamanda salvarisha yashpachu caiman shamushcanguichi?
8 Primeroca cangunapa rurashcacunahuanmi arripintirishcata ricuchina canguichi. ‘Ñucanchi punda taitaca Abrahanmi’ can nishpaca na ninachu canguichi. Cangunataca ninimi, Taita Dios munashpaca cai rumicunamandapashmi Abrahanba huahuacuna cachun ruraita ushan.
9 Ashtahuangarin, jachaca ñami yuracunapa o quirucunapa sapi ladopi can. Shinaca, nali fucuj yuracunaca cuchui tucushpami ninapi shitai tucunga”.
10 Chaimi gentecunaca, Juandaca tapunajurca: “Shinaca ¿imatata rurana capanchi?”.
11 Chaimi paica nirca: “Ishcai churajunata charijcunaca ni shuj churajunata na charijcunamanmi shuguta carana can. Shinallata, micungapaj imagutapash charijcunaca, ima micunagutapash na charijcunamanmi carana can” nishpa.
12 Impuestocunata cobradorcunapash bautizaringapaj rishpami tapunajurca: “Yachachij, ¿imatata rurana capanchi?”.
13 Chaimi Juanga nirca: “Leycunapi mandashca impuestocunatallami cobrana canguichi. Na imatapash mirachishpaca cobrajunachu canguichi”.
14 Shinallata soldadocunapashmi tapunajurca: “¿Imatata rurana capanchi?”. Chaimi Juanga nirca: “A la fuerzaca na pitapash culquita quichunachu canguichi. Llullacunahuanbash na pitapash juchachinachu canguichi. Ashtahuangarin, cangunaman imata pagashcahuanmi conformarina canguichi” nirca.
15 Gentecunaca Cristo shamunatami shuyanajurca. Tucui gentecunami ¿Juanllu Cristo can? nishpa tapurinajurca.
16 Chaimi Juanga paicunataca nirca: “Ñucaca yacupimi cangunataca bautizani. Pero ñucapa jipa shamujca ñucata yali ashtahuan podertami charin. Ñucaca paipa chaquipi sandaliata safaitallapash na miricipanichu. Paimi quiquingunataca espíritu santohuan y ninahuan bautizanga.*
17 Paica trigota huairachina rastrillotashnami maquipi charijun. Chaihuanmi paipa trillana pambapi trigotaca ali ali huairachinga. Shina huairachishpami, trigota tandachishpa granocunata tandachina paipa huasipi churanga. Pero jupataca pipash na huañuchi ushaj ninapimi rupachinga” nishpa.
18 Gentecunamanga shuj cosascunatapashmi Juanga yachachirca. Shinallata ali villaicunatapashmi predicashpa catirca.
19 Galilea llactata mandaj Herodesca paipa huauquipa huarmi Herodiashuanmi cazarashca carca. Shina cazarashcamanda y shuj nali cosascunatapash rurashcamandami Juanga nalicachishpa o na ricunayachishpa Herodestaca rimashcarca.
20 Herodesca chai tucui nalicunata rurashca jahuapash, Juanda prezo churashpami nalita rurarca.
21 Juanga ashtaca gentecunata y Jesustapashmi bautizarca. Jesusca Taita Diostami mañajurca. Shina mañajujpimi, jahua cieloca pascarirca.
22 Chaipimi Taita Diospa espíritu santoca shuj palomagushna Jesuspa jahuaman shamurca. Shinallata Taita Diosca jahua cielomandami nirca: “Canmi ñuca juyashca Churigu cangui. Canmandami ninanda cushijuni” nishpa.
23 Jesusca 30 huatacunata charishpami Taita Diospa shimita predicai callarirca. Gentecuna nishcashnaca Jesusca,Josepa churimi carca.Joseca Helí runagupa churimi carca.
24 Helí runaguca Matat runagupa churimi carca.Matat runaguca Leví runagupa churimi carca.Leví runaguca Melquí runagupa churimi carca.Melquí runaguca Janaí runagupa churimi carca.Janaí runaguca José runagupa churimi carca.
25 Joseca Matatías runagupa churimi carca.Matatiasca Amós runagupa churimi carca.Amosca Nahúm runagupa churimi carca.Nahúm runaguca Eslí runagupa churimi carca.Eslí runaguca Nagái runagupa churimi carca.
26 Nagái runaguca Maat runagupa churimi carca.Maat runaguca Matatías runagupa churimi carca.Matatiasca Semeín runagupa churimi carca.Semeín runaguca Josec runagupa churimi carca.Josec runaguca Jodá runagupa churimi carca.
27 Jodá runaguca Joanán runagupa churimi carca.Joanán runaguca Resá runagupa churimi carca.Resá runaguca Zorobabel runagupa churimi carca.Zorobabelca Sealtiel runagupa churimi carca.Sealtiel runaguca Nerí runagupa churimi carca.
28 Nerí runaguca Melquí runagupa churimi carca.Melquí runaguca Adí runagupa churimi carca.Adí runaguca Cosam runagupa churimi carca.Cosam runaguca Elmadam runagupa churimi carca.Elmadam runaguca Er runagupa churimi carca.
29 Er runaguca Jesuspa churimi carca.Jesusca Eliezer runagupa churimi carca.Eliezerca Jorim runagupa churimi carca.Jorim runaguca Matat runagupa churimi carca.Matat runaguca Leví runagupa churimi carca.
30 Leví runaguca Simeón runagupa churimi carca.Simeón runaguca Judaspa churimi carca.Judasca Josepa churimi carca.Joseca Jonam runagupa churimi carca.Jonam runaguca Eliaquim runagupa churimi carca.
31 Eliaquim runaguca Meleá runagupa churimi carca.Meleá runaguca Mená runagupa churimi carca.Mená runaguca Matatá runagupa churimi carca.Matatá runaguca Natán runagupa churimi carca.Natán runaguca Davidpa churimi carca.
32 Davidca Jesé runagupa churimi carca.Jesé runaguca Obed runagupa churimi carca.Obedca Boaz runagupa churimi carca.Boazca Salmón runagupa churimi carca.Salmón runaguca Nahsón runagupa churimi carca.
33 Nahsón runaguca Aminadab runagupa churimi carca.Aminadab runaguca Arní runagupa churimi carca.Arní runaguca Hezrón runagupa churimi carca.Hezrón runaguca Pérez runagupa churimi carca.Perezca Judá runagupa churimi carca.
34 Judaca Jacob runagupa churimi carca.Jacobca Isaac runagupa churimi carca.Isaac runaguca Abrahanba churimi carca.Abrahanga Taré runagupa churimi carca.Taré runaguca Nacor runagupa churimi carca.
35 Nacor runaguca Serug runagupa churimi carca.Serug runaguca Reú runagupa churimi carca.Reú runaguca Péleg runagupa churimi carca.Péleg runaguca Éber runagupa churimi carca.Éber runaguca Selá runagupa churimi carca.
36 Selá runaguca Cainán runagupa churimi carca.Cainán runaguca Arpaksad runagupa churimi carca.Arpaksad runaguca Sem runagupa churimi carca.Sem runaguca Noepa churimi carca.Noeca Lamec runagupa churimi carca.
37 Lamec runaguca Matusalén runagupa churimi carca.Matusalenga Enoc runagupa churimi carca.Enocca Jared runagupa churimi carca.Jared runaguca Mahalaleel runagupa churimi carca.Mahalaleel runaguca Cainán runagupa churimi carca.
38 Cainán runaguca Enospa churimi carca.Enosca Set runagupa churimi carca.Set runaguca Adanba churimi carca.Adanga Taita Diospa churimi carca.
Notacuna
^ Caipica “Herodes Antipas” nijunmi. Paica Herodes el Grande nishcapa churimi carca.
^ Glosariopi “sacerdote principal” shimita ricupangui.
^ Caipica “espíritu santohuan agllanata y ninahuan tucuchinatami” shina nijun.
