Bibliaca ali yachaita charichun, aliguta pensarishpa ali decisiongunata japichunmi ayudan (Proverbios 4:5). Huaquinbica maijan decisionguna ali cashcataca directomi nin pero huaquinbica consejocunata cushpami ali decisiongunata japichun ayudan.

Cai temapica huaquin yuyaicunatami ricupashun

•  Ali decisiongunata agllachun consejocuna

•  Shuj decisionda ña agllashca cashpaca ¿cambianachu cani?

•  Shuj nali decisionda agllashca cashpa y na cambiaita ushashpaca ¿imatata ruraita ushapangui?

•   Ama jaicata decisiongunataca agllapaichu. Bibliapica ninmi: “Ali yachajushca runaca, imata rurangapajpash aliguta yarinrami” (Proverbios 14:15). Jaicata shuj decisionda na pensarishpalla japishpaca imapash importante cosascunamandami cungaita ushapangui. Chaimandami ima ali cashcata pensaringapaj tiempota llujchina capangui (1 Tesalonicenses 5:21).

•   Quiquin imashina sintirijushcamandallaca ama decisiongunataca agllapaichu. Bibliapica shungupi nishcata confianaca nali cashcatami yachachin (Proverbios 28:26; Jeremías 17:9). Chaimandami culirashca, llaquilla, yapa shaijushca o apurado cashpaca decisiongunata japinaca nali can (Proverbios 24:10; 29:22).

•   Ali yachaita charita ushangapaj Taita Diosta mañapai. (Santiago 1:5). Ali yachaita carahuai nishpa Taita Diosta mañajpica ayudangami. Paica shuj juyaj Taita caimandami paipa huahuacuna imapash llaquicunapi urmachunga na munan. Jehová Diosmi “ali yachaitaca caramujun. Paipaj shimimandami ali yachajushca canapash, ali yuyaita charinapash shamun” a (Proverbios 2:6). Taita Diosca paipa shimi Bibliapa consejocunahuanmi ali yachaita charichun ayudan (2 Timoteo 3:16, 17).

•   Decisiongunata nara japishpallata investigapai. Bibliapica ninmi: “Alipacha yachajushca runa uyashpaca, ashtahuanmi yachajunga” (Proverbios 1:5). Ali decisionda japingapaca investigaitarami investigana capangui. ¿Maipita ali yuyaicunataca tarita ushapangui?

   Primeroca yachangapaj munashca yuyaimanda Biblia imata nijujtami ricuna capangui. Taita Diosca ñucanchita rurashcamandami ñucanchipa ima ali cajtaca ali yachan (Salmo 25:12). Paipa shimi Bibliapica ali consejocunatami tarita ushanchi (Isaías 48:17, 18). Huaquinbica Bibliallatami leycunata y mandamientocunata cushpa imata ruranata yachachin. Cutin huaquinbica consejocunata cushpami imata ruranata ali yachachun ayudan. Consejocunaca aliguta pensarishpa ali decisionda japichunmi ayudan. Bibliapa consejocuna ayudachunga cai paginapa temacunapi y publicaciongunapimi ashtahuan informacionda mascaita ushapangui. Cai informaciongunaca gratismi capan. b

   Shinallata huaquinbica shuj informaciongunatapashmi ashtahuan mascaita ushapangui. Por ejemplo, imapash valishca cosascunata nara randishpallata, imashna rurashcata, garantia tiajta, dañarijpi tigrachingapaj imata rurana cashcata yachangapami informacionda mascaita ushapangui. Shinallata chai cosasta ciertopacha minishtijushcatami asegurana capangui.

   Bibliapica cashnami nin: “Ali yuyaita pipash na cujpica, imapash na ali llujshinllu” (Proverbios 15:22, TNM). Shinaca shuj decisionda nara japishpallatami quiquin confiashca gentecunahuan parlana capangui. Por ejemplo quiquinba saludmanda shuj decisionda japigrijushpaca shuj doctorhuanrami parlana capangui (Mateo 9:12). Huaquinbica quiquinshnallata charishca problemacunata charijcunahuanmi parlana ali can. Shinallata imata ruragrijushpapash quiquinllatami decidina capangui (Gálatas 6:4, 5).

•   Imacunalla pasanapi pensaripai. Minishtirishca informaciongunata mascashca jipaca, shuj decisionda japijpi imacunalla pasai ushanapimi pensarita ushapangui (Deuteronomio 32:29). Por ejemplo cashna nishpami tapurita ushapangui, cai decisionda japijpica ¿imashinata ñucata, ñuca familiata y shuj gentecunatapash afectaita ushan? (Proverbios 22:3; Romanos 14:19). Cashna tapuicunapi y Bibliapa consejocunapi pensarishpami tucuicunallata beneficiarichun ali decisiongunata japita ushapangui.

•   Ali decisionda agllapai. Huaquinbica na seguro sintirimandami imata decidinataca na yachanchi. Chaimi ali oportunidadcunata chingachinchi o talvez na seguro sintirimandami nali decisiongunata japinchi. Imata ruranata na decidishpaca nali decisionda japijuj cuendami can. Bibliapica shuj tarpuj runahuan chimbapurashpami cashna nin: “Huairata chapaj runaca, na tarpungachu. Fuyuta ricuriajlla causaj runapash, na cozechangachu” (Eclesiastés 11:4).

 Chaimandami ashtaca informaciongunata mascangapaj esforzarina capangui (Eclesiastés 9:11). Shinami ali decisiongunata japishpa imapash llaquicunata na urmapangui.

 Na tucui decisiongunachu para siempre can. Huaquinbica ñucanchi causaipimi imapash pasaita ushan o shuj decisionda japishpa jipa imapash nali llujshishcatami cuenta japita ushanchi. Chaimandami ali decisionda japingapaca cutin aliguta pensarita ushapangui. Shinallata shuj opciongunatapashmi mascaita ushapangui.

 Shinallata huaquin decisiongunataca ñana cambiaita ushanchichu (Salmo 15:4). Por ejemplo, Taita Diosca cusahuarmicuna cazarashpa imata rurasha nishcata pactachichunmi munan c (Malaquías 2:16; Mateo 19:6). Chaimandami problemacunata charishpaca separarinapaj randica charishca problemacunata arreglangapami esforzarina can.

 Tucuicunallatami imahorapash nali decisiongunata japita ushanchi (Santiago 3:2, nota). Chaimandami culpable y arrepentido sintirita ushanchi (Salmo 69:5). Nali decisionda japimanda, nali sintirinaca ama chai nali decisiondallata japichunmi ayudan (Proverbios 14:9). Bibliapica ñucanchillata yapata culparishpalla causashpaca ñucanchillatami llaquipi urmashun nin (2 Corintios 2:7). d Jehová Dios juyaj, llaqui cajtami yuyarina capangui (Salmo 103:8-13). Nali decisionda japishcamanda na cambiaita ushashpaca chai situacionmanda imata rurai ushashcatami ricuita ushapangui.