Shuj angelca gentecunatapash yali fuerzata y podertami charin (2 Pedro 2:11). Angelcunaca cai universotapash yalishpa jahua jahuamanmi causan. Caitaca Bibliapica jahua cielo nishpami rijsin (1 Reyes 8:27; Juan 6:38). Chaimandami angelcunataca huaquinbica espíritu nishpa rijsin (1 Reyes 22:21; Salmo 18:10).

Angelcunataca ¿pita rurarca?

 Taita Diosmi angelcunataca rurarca. Paicunata rurangapaca Jesustami utilizarca. “Tucui rurashcacunamandaca, paimi primero rurashca can”. Bibliapica Jesús imatalla rurashcamanda parlangapaca cashnami nin: “Taita Diosca paita utilizashpami jahua cielopi ima tiashcacunatapash, cai alpapi ima tiashcacunatapash, ricunalla cosascunatapash, na ricunalla cosascunatapash rurashca nin”. Shinaca angelcunatapashmi rurashca (Colosenses 1:13-17). Angelcunaca cazaraitapash, huahuacunatapash na chari ushanllu. “Tucuicunami Taita Diospa churicuna can” (Job 1:6; Marcos 12:25). Taita Diosca cada angeltami diferente cualidadcunahuan rurashca.

 Angelcunataca huaranga huaranga huatacuna huashamanmi ñucanchi universo nara tiajpillata rurarca. Cai universota rurajpica angelcunaca ‘tucuilla cushijushpami caparinajurca’ nin (Job 38:4-7).

¿Mashna angelcunata tian?

 Bibliapica mashnapacha angelcuna tiajtaca na ninllu. Shinapash ashtaca ashtaca angelcuna tian nishpami yachachin. Por ejemplo, apóstol Juan muscuipishna ricushpaca, ashtaca ashtaca millón millongunatapash yalimi carca ninmi (Apocalipsis 5:11).

¿Cada unochu shuj shutita charin y diferentecunachu can?

 Ari. Bibliapica ishcai angelcunapa shutitami nin. Paicunaca Miguel y Gabrielmi can (Daniel 12:1; Lucas 1:26). a Shuj angelcunapash shutita charin nircami. Pero maijan shuticuna cashcataca na villarcachu (Génesis 32:29; Jueces 13:17, 18).

 Cada angelcunami diferente cualidadcunata charin y paicunallata pensaita ushan. Ashtahuanbash angelcunaca paicunapurami parlarin. Shinami Jehová Diosta alaban (Lucas 2:13, 14; 1 Corintios 13:1). Shinallata alita ruranata nalita ruranataca cada unomi decidina can. Imashinami ricurcanchi huaquin angelcunaca Jehová Diosta na cazushpami Satanasta sirvinata decidirca Satanasca Diospa contrami can (Mateo 25:41; 2 Pedro 2:4).

Angelcunapica ¿pipash ashtahuan autoridadta charinllu?

 Ari. Miguel, el arcangelmi ashtahuan poderta y autoridadta charin (Judas 9; Apocalipsis 12:7). Serafín nishca angelcunaca ashtaca autoridadtami charin. Paicunaca Jehová Diospa trono muyundipimi sirvinajun (Isaías 6:2, 6). Cutin shuj querubín angelcunapash autoridadtami charin. Paicunaca shuj alipacha responsabilidadcunatami pactachinajun. Por ejemplo, Adanda Evatapash cai jardinmanda llujchishpa cachajpica querubín angelcunami cai jardín de Edenman ama cutin yaicuchun cuidanajurca (Génesis 3:23, 24).

Angelcunaca ¿ayudai ushanllu?

 Ari, ayudai ushanmi. Taita Diosca gentecunata ayudangapami paipa angelcunataca utilizan. Imashina ayudajta ricupashun.

•   Taita Dios paita sirvijcuna paipa gobiernomanda ali villaicunata predicachunmi paipa angelcunataca utilizan (Apocalipsis 14:6, 7). Cai ali villaicunata predicajcunapash, uyajcunapashmi cai ayudamandaca beneficiarin (Hechos 8:26, 27).

•   Angelcunaca Jesusta catijcunapa congregacionda nali gentecunamandapashmi jarcan (Mateo 13:49).

•   Angelcunaca Taita Diosta tucui shunguhuan sirvijcunatami ayudan y cuidanbash (Salmo 34:7; 91:10, 11; Hebreos 1:7, 14).

•   Angelcuna gentecunapa llaquicunata, nali ruraicunata tucuchingapami Jesushuan tandanajushpa ñalla macanajunga (2 Tesalonicenses 1:6-8).

¿Tucuicunachu ángel de la guarda nishcata charinchi?

 Angelcunaca Taita Diosta sirvijcuna espiritualmente ali cachunmi ayudan. Shinapash Taita Diosca cada personata cuidachun, ayudachun cada unoman shuj ángel de la guardataca na cushcachu (Mateo 18:10). b Angelcunaca Taita Diosta sirvijcunataca tucui llaquicunamanda o tentaciongunamandaca na cuidanllu. Bibliapica llaquicunahuan o problemacunahuan ricurijpica, ali yuyaita, aguantashpa catichun fuerzata cushpami ‘Taita Diosca ayudan’ nishpami yachachin (1 Corintios 10:12, 13; Santiago 1:2-5).

Angelcunamanda panda yuyaicuna

 Huaquingunaca cashnami crin: Angelcunatami mañana canchi nishpa.

 Bibliapica caitami yachachin: Oracionda rurashpaca pitapash adorajushcatami ricuchinchi. Chaimandami Taita Diostalla adorana canchi (Apocalipsis 19:10). Oracionda rurashpaca Jesuspa shutimi Taita Diosta mañana canchi (Juan 14:6).