•  ¿Imatata ña yachana capangui?

•  Caitami rurai ushapangui

•  Jovengunaca ¿imatata nin?

 Taitacunaca paicunata cazujpimi canbica confianga. Taitamamacunapa mandashcacunata cazunaca shuj dibita pagana cuendami can. Taitamamacunataca cazunami capangui. Shina cazujpica canllata shuj cosascunapipash dicidichunmi saquinga. Shinapash na cazujpica canllata imacunapipash dicidichunga na saquingachu.

 Asha ashami taitamamacunaca canbi confianga. Huaquin cosascunapi nara dicidichun saquijpillatami aliguta portarishpa cazuna capangui.

 SHUJ JOVENGA NINMI: “Chairalla viñajushpaca ñuca taitamamacuna imata rurachun munashcataca alimi yachan carcani. Chaimi paicunapa munashcata ruraj tucun carcani, shinapash paicuna na ricunajujpica ñuca munashcatami ruran carcani. Chaimandami ñuca taitamamacunaca na confiahuan carca. Ñucallata dicidichun ñuca taitamamacuna saquihuachunga na nij tucuna cashcatami cuenta japircani. Ñucanchipi confiachunga taitamamacunata cazunami canchi” (Craig).

 Shinlli cajpipash ama llullaichu. Tucuicunallatami imagupipash pandarinchi. Shinapash taitamamacuna ama yachaj chayachunlla llullajpi, o na cabalta villajpica canbica na confiangachu. Shinapash na pacashpa tucuita villajpica can ali viñajujtami cuenta japinga. Shinami canbica ashtahuan confianga.

 “Pandarishcamandallaca shujcunaca canbi confianataca na saquingachu. Shinapash pandarishcacunata pacajpica ñana canbi confiangachu” (Anna).

 Bibliapica ninmi: ‘Tucuita aliguta rurangapaj munashpami, chaita ruranata yariajlla causanajunchi’ nishpa (Hebreos 13:18).

•   Caipi pensaripai: Canba taitamamacuna ¿maimanda ringui?, ¿imatata ruragringui? nishpa tapujpica ¿cabaltachu villanata yachangui? Shinallata ¿maipita carcangui? ¿Imatata rurajurcangui? nishpa tapujpica ¿huaquin cosacunataca pacashpachu villanata yachangui?

 Cazupangui. Canba taitamamacunataca tucuipi cazungui. Huasipi ruranacunatapash rurangui. Puntual cashcata ricuchingui. Escuelapa, colegiopa debercunatapash rurangui, maiman rishpapash ima horasta tigramungui nishcata pactachipangui.

 “Canba taitamamacuna amigocunahuan maiman richun saquijpipash tuta las 9​ta tigramungui nijpica 10 y mediataca na huasiman tigranachu capangui. Shina rurajpica cutinga na cachangachu” (Ryan).

 Bibliapica ninmi: “Tucuicunami, paicuna imata rurashcashnallata japinajunga” nishpa (Gálatas 6:5).

•   Caipi pensaripai: ¿Candaca puntual cajta, huasipi ruranacunata rurajlla cajta, taitamamacunatapash cazujujtachu gentecunaca ricun?

 Shuyanata yachajui. Imamandapash taitamamacuna ñana canbi confiashpaca, asha ashami cutin confiai callaringa. Chaimandami shuyanataca yachajuna capangui.

 “Ña viñajujpipash ñuca taitamamacuna shuj cosascunatapash rurachun na saquihuajpimi llaquilla sintirin carcani. Ñucaca ashtahuan huatacunata charimandami ashtahuan alimi pensarini yuyan carcani. Pandatami yuyajushcarcani. Ñuca taitamamacunahuan parlashpami, ñucapi confiai ushashcata ricuchingapami munani nircani. Asha ashami ñucapi confiashpa catirca. Chaimi pipash canbi confiachunga mashna huatacunata charishpapash ruraicunahuan ricuchina cashcata yachajurcani. ” (Rachel).

 Bibliapica ninmi: ‘Imashna cashcataca, cangunallata ricuchinami canguichi’ nishpa (2 Corintios 13:5).

•   Caipi pensaripai: Canba taitamamacuna canbi confiachunga, can imashna cashcataca ¿imashnata ricuchita ushanguiman?

 CAITAMI RURAI USHANGUI: Imatapash aliguta pactachingapaj dicidiri. Talvez puntual cangapaj, huasipi ruranacunata rurashpa pactachingapaj, huasiman tigrana horasta tigrangapaj, o shuj cosascunata pactachingapaj dicidiri. Can imata rurangapaj munashcata taitacunaman villai. Shinallata quiquinguna ñucapi confiachunga ¿imatata rurana cani? nishpa tapui. Shinaca Bibliapi cai consejota pactachingapaj esforzari. Bibliapica ninmi: ‘Punda mauca causaitaca shitashpa saquina canguichi’ nishpa (Efesios 4:22). Asha ashami taitamamacunaca can ali, ñaupaman catijushcata ricunga.