¿Imatan Diosmanta mañakusunman?
¿Ima ninmi Biblia?
Mañakusunmanmi imatapas Bibliaq nisqanman jina kaqtinqa. Biblian nin: “Imataña Diospa munayninman jina mañakusunchis chaypas, Diosqa uyariwasunmi”, nispa (1 Juan 5:14). Diosmi kallpachawashanchis llakikuyninchiskunata payman willakunanchispaq. Biblian nin: “Sonqoykichista payman mast’ariychis”, nispa (Salmos 62:8).
¿Imatan mañakusunman?
Allinta iñinanchispaqmi mañakusunman (Lucas 17:5).
Diospa santo espirituntan otaq kallpanta mañakusunman, chhaynapi Diospa munayninman jina imatapas ruwananchispaq (Lucas 11:13).
Kallpatan mañakusunman sasachakuykunata tentacionkunata ima atipananchispaq (Filipenses 4:13).
Thaj kayta qowananchispaqmi mañakusunman (Filipenses 4:6, 7).
Yachaytan mañakusunman allinta imatapas ruwananchispaq (Santiago 1:5).
Sapa p’unchay necesitasqanchistan mañakusunman (Mateo 6:11).
Juchanchista perdonawananchispaqmi mañakusunman (Mateo 6:12).
Astawan yachanaykipaq
QHAWAQ
¿Imaynatan Diosmanta mañakunanchis uyariwananchispaq?
Diosmantaqa mañakuwaqmi maypiña kashaspapas, imay ratopipas, alto kunkawanpas, otaq ch’inllapas. Señorninchis Jesusqa yachachiranmi mañakushaspa imatachus ninanchista.
BIBLIAMANTA YACHACHIKUYKUNA
¿Llapa runakunaq mañakusqantachu Dios aceptan?
¿Allinchu kanman juj runa kikinpa allinnillanpi piensaspa imatapas mañakuqtin? ¿Iman pasanman esposanta maltrataq qosa Diospa bendicionninta mañakuqtin?
BIBLIAMANTA YACHACHIKUYKUNA
Imaynatachus Bibliamanta estudiota qoyku chayta yachay
Bibliamanta gratislla yachay.