1. Diosníy, allintan reqsiwanki,

yachashankin lliw ruwasqaytapas.

Sonqoytaqa qanllapunin t’aqwinki,

yachankin lliw nisqayta, purisqaytapas.

Diosníy, qanmi rikuwarqanki

pakallapi kamasqa kasqayta;

libroykipin qelqasqaña kasharqan,

chaymi qanllatapuni hatunchasqayki.

¡May hatunmi qanpa yachayniykiqa!

May allintan chaytaqa yachani.

Tutayaqpi chinkasqa kashaqtiypas,

qanmi, Taytáy, yanapawankiman.

¿Maytan qayllaykimanta riyman?

¿Atiymanchu qanmanta chinkayta?

Manapunin maypipas chinkaymanchu,

maypi kaqtiypas qanmi yanapawanki.