1, 2. a) ¿Ima regalotan Dios qowaranchis? b) ¿Ima tapuykunatan kay estudiopi kutichisun?

JEHOVÁ DIOSQA anchatan munakuwanchis, chaymi churinta kay pachaman kachamuran noqanchisrayku wañunanpaq (Juan 3:16; 1 Juan 4:9, 10). Chayqa apóstol Pabloq nisqan jina ‘ancha sumaq regalon’ (2 Cor. 9:15, NM). ¿Imanaqtin?

² Apóstol Pabloqa yacharanmi Jesuspa wañupusqanwan Diospa promesankuna junt’akunanta (leey 2 Corintios 1:20). Chay sacrificioraykun tukuy ima bendicionkunata Dios qowanchis. Chaymi chay regalotaqa mana imawanpas tupachisunmanchu. ¿Imaynan sientekunchis chay ancha sumaq regalo qowasqanchismanta? ¿Imatan ruwananchis Jesuspa wañupusqanta yuyarinanchis p’unchay qayllaykamusqanta yachaspa? Chaykunamantan kay estudiopi yachasun. Kay watapin Jesuspa wañupusqanta yuyarisunchis miércoles 23 marzo killapi.

3, 4. a) ¿Imaynan sientekunchis regalota chaskispa? b) ¿Imaynatan wakin regalokuna vidanchista cambianman?

³ Ima regalotapas chaskispaqa anchatan kusikunchis. Wakin regalokunan ichaqa vidanchistaraq cambianman. ¿Imaynapi? Chayta entiendenapaq kaypi piensasun: Sichus mana allin ruwasqaykimanta wañunaykipaq juzgasqa kashawaq chayqa, ancha llakisqachá sientekuwaq. Ichaqa, ¿imatan ruwawaq mana reqsisqayki runa qanrayku wañunanpaq ofrecekuqtin?

⁴ Yaqapaschá chay runata agradecekunaykipaqqa decidikunki vidaykita cambianaykipaq. Jujkunata astawan munakunaykipaq, yanapaykuq kanaykipaq otaq jujkunata perdonanaykipaq. Wañunaykikamachá chhayna kanaykipaq decidikunki.

5. ¿Imaraykun Diospa qowasqanchis regalo ancha sumaq?

⁵ Diospa ancha sumaq qowasqanchis regalon astawanraq yanapawanchis (1 Ped. 3:18). Juchayoq kasqanchisraykun llapallanchis wañunanchispaq juzgasqa kashanchis (Rom. 5:12). Diosmi ichaqa anchata munakuwasqanchisrayku churinta kachamuran noqanchisrayku wañunanpaq (Heb. 2:9). Chaymantapas Jesuspa sacrificio ruwasqanwanmi wañuyqa chinkapunqa (Is. 25:7, 8; 1 Cor. 15:22, 26). Jesuspi iñiqkunataq wiñaypaq kusisqa kausanqaku, ajllasqa cristianokunan janaq pachapi Cristowan kuska kanqaku, wakintaq kay pachapi tiyanqaku (Rom. 6:23; Apo. 5:9, 10). Ichaqa, ¿chaykunallatachu Dios qowasunchis? Manan.

6. a) ¿Imakunatan jamuq tiempopaq suyakushanki? b) ¿Imaynatan Diosta agradecekusunman?

⁶ ¿Imakunatawanmi Dios qowasunchis Jesuspa sacrificakusqanrayku? Kay pachapi sumaq paraisotan, chaypiqa llapa runan qhali kapunqaku, wañusqakunapas kausarimpunqakun (Is. 33:24; 35:5, 6; Juan 5:28, 29). Chaykunamantaqa maytan agradecekunchis Jehová Diosta Jesustapas. ¿Imaynatan agradecekusunman? Cristoq ruwasqanta jina ruwaspa, iñiqmasinchiskunata munakuspa, jujkunata sonqomanta perdonaspa.

7, 8. a) ¿Imapaqmi kallpachawanchis Jesuspa munakuynin? b) ¿Imatan ruwasun Cristota munakuspa?

⁷ Diospa munakuyninmi kallpachawanchis noqanchisrayku Cristoq ruwasqanta valorananchispaq. Apóstol Pablon niran: “Cristoq munakuyninpunin kausayninchispiqa anchata kallpachawanchis”, nispa (leey 2 Corintios 5:14, 15). Arí, Jesuspa munakuyninmi kallpachawanchis payta munakunanchispaq, ruwasqanta valorananchispaqpas. Munakuwasqanchisrayku Jehová Diospa ruwasqanta entiendeymi kallpachawasun Jesuspa ruwasqanta jina ruwananchispaq. ¿Imaynatan chayta ruwasunman?

⁸ Chaypaqqa ‘Cristoq yupintan qatikunanchis’ (1 Ped. 2:21; 1 Juan 2:6). Jinaspapas Diosta Cristota munakuspan kasukunanchis. Jesusmi niran: “Pichus kamachikuyniykunata yachaspa junt’aqmi munakuwaqniyqa, munakuwaqniytaqa Yayaypas munakunqan, noqapas payta munakuspaymi payman reqsichikusaq”, nispa (Juan 14:21; 1 Juan 5:3).

9. ¿Imata ruwananchispaqmi kay pacha runakuna kallpachawanchis?

 ⁹ Jesuspa wañupusqanta yuyarina p’unchaymi qayllaykamushanña, chaymi piensananchis imaynatachus kausashasqanchispi. Chaypaqmi tapukusunman: “¿Imakunata ruwaspan Jesuspa yupinta qatikushani? ¿Imakunapiraqmi allinyanay kashan?”, nispa. Kay pachapi runakunaqa mana allinta ruwananchispaqmi kallpachawasunman, chayraykun may allinpuni chay tapuykuna ruwakuyqa (Rom. 12:2). Mana cuidakuspaqa kay pachapi allin reqsisqa runakuna jina, yachaysapa runakuna jinan kayta munasunman (Col. 2:8; 1 Juan 2:15-17). ¿Imaynatan cuidakusunman?

10. a) ¿Imakunatan tapukunanchis? b) ¿Ima cambiokunata ruwananchispaqmi kallpachakusunman? (9 paginapi dibujokunata qhaway.)

¹⁰ Sapankanchismi piensananchis imaynatas p’achakushanchis, ima takikuna peliculakunas gustawashanchis, imakunatas churashanchis celularninchispi, computadoranchispi, tabletninchispi chaykunapi. Tapukusunmanmi: “¿Allinpaqchu Jesús qhawarinman p’achakusqayta? ¿Jesuspa qatikuqnin jinachu p’achakushani? (Leey 1 Timoteo 2:9, 10.) ¿Jesusman gustanmanchu qhawasqay peliculakuna, uyarisqay musicakuna? ¿Mañaymanchu Jesusman celularniyta tabletniyta icha p’enqakuymanchu? ¿Willaymanchu Jesusman computadorapi pujllasqaykuna imarayku gustawasqanta?”, nispa. Sichus Jehová Diosta munakunchis chayqa kallpachakunanchismi mana allin ruwaykunamanta t’aqakunanchispaq, sasaña kanman chaypas (Hech. 19:19, 20). Jehová Diospa munayninta ruwananchispaq prometekuspaqa, Jesuspa ruwasqanta jina ruwananchispaqwanmi prometekuranchis. Chhaynaqa manan imapas jark’awananchischu Jesusta qatikunanchispaq (Mat. 5:29, 30; Filip. 4:8).

11. a) ¿Imata ruwaspan Jehová Diosta Jesusta munakusqanchista rikuchisunman? b) ¿Imaynatan iñiqmasinchiskunata yanapasunman?

¹¹ ¿Imatawan ruwaspan Jehová Diosta Jesusta munakusqanchista rikuchisunman? Tukuy sonqowan predicaspan (Mat. 28:19, 20; Luc. 4:43). Jesuspa wañupusqanta yuyarinapaq killakunapin 30 otaq 50 horasta ruwaspa precursor auxiliar kasunman. 84 watayoq viudo iñiqmasin piensaran precursor auxiliar kayta mana atinanpaq. ¿Imarayku? Onqosqa kasqanrayku, kuraqña kasqanraykupiwan. Ichaqa wakin precursorkunan yanaparanku predicacionman rinanpaq, wasin cercallapi predicananpaqpas. Chhaynapin 30 horasta predicayta atiran. Noqanchisri, ¿yanapasunmanchu pitapas marzo, abril killakunapi precursor kananpaq? Yaqapaschá mana llapanchischu precursor kasunman, chaywanpas astawan predicanapaqmi decidikusunman. Chayta ruwaspaqa rikuchisunmi Cristoq munakuwasqanchismanta agradecido kasqanchista, imaynan apóstol Pablo rikuchiran jinata. ¿Imatawanraqmi ruwasunman Diospa munakuwasqanchismanta agradecekunapaq?

12. ¿Imatan ruwananchis Dios munakuwananchispaq?

¹² Diospa munakuyninmi kallpachawanchis iñiqmasinchiskunata munakunanchispaq. Apóstol Juanmi nin:  “Chay jinata Dios munakuwaqtinchismi noqanchispas jujkuna jujkunawan munanakunanchis”, nispa (1 Juan 4:7-11). Chaypi nisqan jina, Diospa munakuwananchispaqqa iñiqmasinchiskunatan munakunanchis (1 Juan 3:16). ¿Imaynatan chayta ruwasunman?

13. ¿Imaynatan Jesús yachachiwaranchis jujkuna munakuyta?

¹³ Jesusqa ruwasqanwanmi yachachiwaranchis imaynata jujkunata munakusunman chayta. Kay pachapi kashaspan llapa runakunata yanaparan, astawanqa humilde runakunata. Paymi qhaliyachiran onqosqakunata, wist’ukunata, ñausakunata, mana uyariq mana rimay atiq runakunatapas (Mat. 11:4, 5). Jesusqa manan religioso umallikuna jinachu karan, aswanpas llapa runakunatan yachachiq (Juan 7:49). Astawanqa humilde runakunatan munakuq, yanapaq ima (Mat. 20:28).

14. ¿Imata ruwaspan iñiqmasikuna munakusqanchista rikuchisunman?

¹⁴ Jesuspa wañupusqanta yuyarinapaq killakunapin piensananchis imaynatas iñiqmasikunata yanapasunman chaypi. Yaqapaschá kuraq iñiqmasikunata visitasunman, imatapas invitasunman, wasinpi imapipas yanapakusunman otaq predicacionman juñunakuymanpas kuska rinapaq nisunman (leey Lucas 14:12-14). Diospa munakuyninmi kallpachawananchis ruwayninchiswan iñiqmasikunata munakunanchispaq.

15. ¿Imatan llapanchis necesitanchis?

¹⁵ Diospa munakuyninmi kallpachawanchis iñiqmasinchiskunata perdonananchispaq. Adanpa miraynin kasqanchisraykun juchayoq kanchis wañunchispas. Chaymi llapanchis necesitanchis Jesuspa sacrificio ruwasqanwan perdonasqa kayta, junt’aq sonqoña kasunman chaypas. Chayta entiendeymi ancha importante. ¿Imarayku? Jesuspa nisqan jina Jehová Diosman sinchi manu kapusqanchisrayku.

16, 17. ¿Imatan Jesuspa willasqanmanta yachasunman?

¹⁶ Jesusmi willaran sinchi manupi tarikuq esclavomanta. Paysi patronninmanta 60 millón qolqeta manukusqa. Ichaqa manas pagayta atisqachu, chaysi patronninqa khuyapayaspa perdonasqa qolqe debesqanta. Chay qhepamansi 100 qolqe debeq esclavomasinwan tupasqa, ichaqa debesqanta mana kutichipuqtinsi mana perdonasqachu. Chayta yachaspas patronninqa sinchita phiñakusqa, jinaspa payta nisqa: “¡Millay kamachi! Noqaqa chay tukuy manusqaytan pampachapurayki valekuwasqaykirayku. ¿Manachu qanpas kamachi-masiykitaqa khuyapayaykunayki  karan, imaynan noqapas qanta khuyapayarayki jinata?”, nispa (Mat. 18:23-35). ¿Imatan Jesuspa willasqanmanta yachasunman? Noqanchispas juchayoq kasqanchisraykun Jehová Diosman sinchi manu kashanchis. Paymi ichaqa perdonawanchis. ¿Imatan chayta yachaspa ruwananchis?

¹⁷ Jesuspa wañupusqanta yuyarinapaq killakunapin tapukusunman: “¿Sasachakushanichu mayqen iñiqmasitapas perdonanaypaq?”, nispa. Chhayna kaqtinqa Jehová Diospa ruwasqanpin piensananchis, payqa liston kashan ‘juchata pampachananpaq’ (Sal. 86:5; Neh. 9:17). Chayta yachaymi kallpachawanchis iñiqmasikunata sonqomanta perdonananchispaq. Chayta ruwasun chayqa Jehová Diospas perdonawasunmi (Mat. 6:14, 15). Perdonaspaqa manan ima pasasqantapas cambiasunchu, ichaqa aswan kusisqan kausasunchis.

18. ¿Iman Lily cristianata yanaparan iñiqmasinta aguantananpaq?

¹⁸ Mayninpiqa manan facilchu iñiqmasikunaq pantasqankuta aguantay (leey Efesios 4:2, 32). Lily cristianamanta yachasun. [1] Paysi Carol viudata askha watakuna yanapashasqa, kuskas maytapas riqku, ima necesitasqantapas rantimpuqsi. Carol cristianas ichaqa mana imawanpas contentakuqchu, chaysi Lilypaqqa mana facilchu kaq. Sapa kutillansi allin ruwasqankunapi piensaq yanapashanallanpaq. Carol cristiana wañupuqtinmi Lyliqa niran: “Anchatan munashani paraisopi Carol kausarimpunanta, chhaynapi perfecto kaqtin payta reqsinaypaq”, nispa. Diospa munakuyninmi kallpachawananchis iñiqmasikunaq pantasqankuta aguantananchispaq. Chaymantapas yanapawanchismi paraisota suyakunanchispaq, chaypiqa llapanchismi perfecto runa kasunchis.

19. ¿Imaynatan Diosta agradecekusunman noqanchisrayku ruwasqanmanta?

¹⁹ Rikumusqanchis jina, Jehová Diosqa ancha sumaq regalotan qowaranchis. Chayraykun Jesuspa wañupusqanta yuyarinapaq killakunapi Jehová Diospa Jesuspa munakuwasqanchispi piensananchis. Agradecekusqanchistataq rikuchinanchis Cristoq ruwasqanta jina ruwaspa, iñiqmasikunata munakuspa, sonqomanta perdonaspa ima.