¿IMA NINKUN RUNAKUNA?

Askha runakunan ninku: “Wañupuspaqa juj ladopin kausashallanchis”, nispa. Wakinqa creenkun “wañupusqanchis qhepamanqa jujpa cuerponpin kausanchis” nisqa yachachikuypi, chayqa reencarnación yachachikuymi. Wakintaqmi creenku “wañupuspaqa cielomanmi otaq infiernomanmi ripusun” nisqa yachachikuypi.

¿IMA NINMI BIBLIA?

Bibliaqa manan maypipas ninchu “wañupuqkunaqa juj ladopin kausashallanku” nispaqa. Aswanpas ninmi wañupuqkunaqa allpaman tukupusqankuta, chhaynaqa manan cuerpoq ima partenpas kausanñachu. Maypachachus Adán juchallikuran chayqa Diosqa sut’itan willaran wañupuspaqa allpamanta kamasqa kasqanman tukupunanpaq.

“Ñut’u allpan kanki, ñut’u allpamantaqmi tukupunki” (Génesis 3:19)

¿IMA NINMI BIBLIA?

Bibliaqa sut’itan willan cuerpo wañuqtinqa mana ima partenpas kausasqanta. “Wañuy-pachapiqa manan ima llank’anapas yuyanapas reqsinapas yachanapas kanchu” (Eclesiastés 9:10). Wañupuspaqa runaqa “allpamanmi tukupun, chay p’unchaypachan yuyaykusqankunaqa chinkapun” (Salmo 146:4). Wañupuspaqa runaqa manan imatapas reparanñachu, chayraykun Bibliaqa wañusqakunata “puñushanmi” nin (Mateo 9:24).

¿IMARAYKUN CHAYMANTA YACHANANCHIS?

Sichus pi reqsisqaykipas wañupun chayqa yachaytachá munayki maypi kashasqanta sufrishanchu icha manachu chaytapas. Bibliaq nisqanman jinaqa wañusqakunaqa manan imatapas reparankuñachu nitaqmi sufrishankupaschu (Isaías 26:19).

“Wañukapuqkunan ichaqa mana imatapas yachankuchu” (Eclesiastés 9:5)

¿IMA NINMI BIBLIA?

Diosmi deciden pikunata kausarichinanpaq, paykunaqa suyakushankun Diospa kausarichisqan kayta, kausarichisqa kaspaqa sumaq paraisopin tiyanqaku. Diosqa tukuy atiyniyoqmi, payqa anchatapunin munashan wañusqakunata kausarichinanpaq atiynin utilizayta. Jamuq tiempopi wañusqakunata kausarichinanpaq Diospa prometewasqanchisqa anchatan kusichiwanchis.

“Paykuna jinallataqmi noqapas Diospi suyakuni chaninkunatapas mana chaninkunatapas wañusqankumanta Diospa kausarichimpunanta” (Hechos 24:15)