Lamar-qochaq ukhu pachanpin unu p’ampasqa kashan medio millón kilómetros cúbicos hina, chay unuqa pisi kachillayoqmi. Adelaida llaqtapi Universidadmanta Vincent Post runan nin: “Ñawpaqpiqa lamar-qochaqa aswan ukhupin karqan ch’aki hallp’ataqmi aswan hatun karqan”, nispa. Chay p’ampasqa unus hamuq tiempopi servinqa 700 millón más pisi unuyoq runakunapaq, chaytan ninku cientificokuna.

Chay sitiopi llapa clase animalkunamanta kuskan hinas manaña kawsankuñachu otaq huk partechallapiña tiyashanku. ¿Imaraykun chaykuna pasashan? Gobiernoq mana allinta kamachikusqanraykun, chaymantapas animal hap’iqkunan mana khuyapayaspa wañuchipushanku. Montekunapi hinaña imaymana animalkuna chay aqo pampapi kan chaypas investigaqkunaq nisqanman hinaqa “manan interés kanchu cuidanankupaq qolqewan apoyanankupaqpas”. Chaypi kaq animalkuna peligropiña chinkananpaq kashan chaypas investigaqkunaqa mana imatapas ruwayta atinkuchu.

2012 watapiqa pusaq wañuqmantas huk runa wañusqa aire contaminasqa kasqanrayku. Organización Mundial de la Salud nisqan nin: “Aire contaminasqa kasqanwanmi runakuna astawan onqoshanku”, nispa.