AGAMA qaraywaqa mana sasachakuspallan pampamanta huk qhataman p’itan. Sichus pampa llusk’a kaqtinqa sasachakunmi p’itananpaq ichaqa imaynatapas perqamanmi chayan. Chaytaqa chupanraykun atin.

Kaypi yuyaykuy: Qhasqa patamanta p’itaspankuqa chupankutan urayman urmachinku, chhaynapin allinta p’itanku. Llusk’a patapi kaspaqa manan allintachu sayanku chaymi mana allintachu p’itanku. Ichaqa p’itasqanku qhepamanmi chupankuta hoqarinku chhaynapin cuerponkuta allichakunku. Manan chayqa facil-llachu. California llaqtamanta Berkeley universidadmi qelqarqan: “Chupankutan allichakunanku chhaynapi cuerponkuta rectota churanankupaq”, nispa. Sichus sinchi llusk’apatapi kashan chayqa, astawanmi chupanta hoqarinan chhaynapi mana sasachakuspalla wak ladoman chayananpaq.

Agamaq chupanqa yanapanmanmi inginierokunata chhayna maquinakunata ruwamunankupaq, chaykunan yanapanman terremoto otaq ima sasachakuypas kaqtin kawsaqkunata maskhanankupaq. Thomas Libby investigadormi nin: “Robotkunaq kuyuykachasqanqa manan animalkunamanqa imapipas rikch’akunchu, chaymi aswan kuyukachaq kaqtinqa allinta ñawparishankuman”, nispa.

¿Ima ninkin chaymanta? ¿Kikillanmantachu agamaq chupan chhayna karqan icha kamasqachu karqan?