FAMILIAQA sumaqta kawsananpaqmi kamasqa karqan. Kunanmi ichaqa nishu sasachakuykunapi tarikushan. Arí, wayna-sipaskunan drogakuypi qhelli kawsaypi purishanku, casadokunapas t’aqanakuypi maqanakuypin kashanku, manañan kuskachu wawankutapas uywanku. Chaymi wakin runakunaqa manaña allinpaqchu familiata qhawarinku.

¿Tarisunmanchu familianchis ukhupi sumaq kawsayta? Arí, sapankanchispas imachus ruwananchista yachaspaqa tarisunmanmi. Sumaqta kawsanapaq yachaykunaqa makillanchispin kashan. Chay yachaykunan ñawpaq tiempopi runakunatapas yanaparqan sumaqta kawsanankupaq. ¿Mayqenkunataq chay yachaykunari? Familiaykiwan sumaqta kawsay nisqa libron chaymanta willashan. Kay libropiqa allin yachaykunan kashan familiapi sasachakuykunata atipanapaq. Chay yachaykunataqa llapallanchismi necesitanchis.