Punkuta tocaqtinchis juj wawa kichamuqtinqa, tayta-maman chaypichus kashan chaytan tapunanchis. Chhaynapin autoridadninkuta respetasun (Prov. 6:20). Chay wawa invitawasunman wasinman jaykunapaq chayqa, manan aceptananchischu. Tayta-maman mana tiempoyoq kaqtinqa juj kutipiñan kutisunman.

Juj waynachaña otaq sipaschaña lloqsimunman chaypas allinmi kanman tayta-mamanmanta tapuy. Mana tiempoyoq kaqtinkuqa, tapusunmanmi imatapas leenanta tayta-maman dejankuchus icha manachus chayta. Leenanta dejaqtinkuqa juj qelqatan saqesunman, nisunmantaq jw.org nisqamanpas jaykunanpaq.

Astawan yachayta munaq waynachaman otaq sipaschaman kutisunman chayqa, nisunmanmi tayta-mamanta reqsiy munasqanchista. Chhaynapin willasunman imapaq visitasqanchista, jinallataq Biblia familiakunapaq allin consejokunata qosqanmanta (Sal. 119:86, 138). Chhaynata tayta-mamanta respetaqtinchisqa allinpaqmi Bibliamanta willasqanchista qhawarinqaku, chhaynapitaq juj kutikunapipas allin willakuykunata willayta atisun llapa familiaman (1 Ped. 2:12).