Tayta-mamakunaqa wawankutan yachachinku makinkuta maqllikunankupaq, cuartonkuta limpianankupaq, wasita pichanankupaq, q’opata wijch’unankupaq ima, chhaynapi limpio runa kanankupaq. Ichaqa Diosmi astawanqa limpio kananchista munan, ch’uya kasqanrayku (Éx. 30:18-20; Deut. 23:14; 2 Cor. 7:1). Tukuy tiempo maqllikunchis, ima kaqninchiskunatapas limpiota jap’inchis chayqa, Jehová Diostan jatunchanchis (1 Ped. 1:14-16). ¿Imaynan kashan wasinchis jawakunapas? Jujkunaqa wijch’ullankun q’opankuta ñankunapi, parquekunapipas. Cristianokunan ichaqa kallpachakunchis allpa pacha limpio kananpaq (Sal. 115:16; Apo. 11:18). Misk’i qarakunata, latakunata mayman wijch’usqanchismi rikuchin limpiochus kanchis icha manachus chayta. Tukuy imapin noqanchisqa ‘Diospa kamachin’ kasqanchista rikuchinanchis (2 Cor. 6:3, 4).

QHAWAY DIOSQA MUNAKUN LIMPIO RUNAKUNATAN NISQA VIDEOTA, CHAYMANTATAQ QATIMUQ TAPUYKUNATA RUWAY:

• ¿Imaraykun wakin runakuna imankutapas qhellillata jap’inku?

• ¿Imaynatan Moisesman qosqan kamachikuy rikuchin limpio kayta Jehová Dios allinpaq qhawarisqanta?

• ¿Imaynatan Jehová Diosta jatunchasunman mana imata nispalla?