Salmos 64:1-10
-
Pakallapi rimanakuqkunamanta
-
“Diosmi paykunata flechanqa” (7)
-
Takiqkunata pusariqpaq. Davidpa takin.
64 Diosníy, wajakusqayta uyarimuway, mañakusqayta uyarimuway.+
Enemigoykunatan sinchita manchakushani, paykunamanta kausayniyta libray.
2 Millay runakunamanta pakaykuway,noqa contran pakallapi rimanakushanku;+mana allin runakunamanta waqaychaway.
3 Paykunaqa espadata jinan qallunkuta filochanku,flechata jinan rimasqanku simikunatapas kacharinku.
4 Pakakusqankumantan mana juchayoq runakunata flechanku,mana manchakuspan qonqaylla flechamunku.
5 Mana allin ruwayllamanmi paykunaqa k’askakunku.
Millay ruwasqankuta pakanankupaqmi rimanakunku.
Paykunapuran ninakunku: “Manan pipas rikumunchu”,+ nispa.
6 Imaynatachus jujniraymanta mana allinkunata ruwankuman chaypin piensanku.
Millay ruwaykunata ruwanankupaqmi pakallapi rimanakunku.+
Sasapunin sonqonkupi imachus piensasqankuta yachayqa.
7 Ichaqa Diosmi paykunata flechanqa,+qonqayllan paykunaman flecha chayanqa.
8 Qallullankutaqmi paykunataqa urmachinqa,+llapa chayta rikuqkunan umankuta maywirispa paykunata asipayanqaku.
9 Llapa runakunan mancharikunqaku;Diostan imachus ruwasqanmanta jatunchanqaku,allintan entiendenqaku chaykuna ruwasqanta.+
10 Chanin runaqa Jehová Dioswanmi kusikunqa, paypin pakakunqa.+
Llapa ch’uya sonqokunan mayta kusikunqaku.
