Salmos 40:1-17
Takiqkunata pusariqpaq. Davidpa takin.
40 May kusisqan* Jehová Diosta suyakurqani,payqa ninrintan kutirichimuwarqan,auxilio mañakusqaytan uyarimuwarqan.+
2 Phaqchaykushaq unu t’oqomantan orqomuwarqan,millay t’uru ukhumantan aysamuwarqan,chaymantataq qaqa pataman churawarqan,ch’aki chuchu pampapin allinta sayachiwarqan.
3 Chaypin simiyman juj mosoq takita churawarqan,+Diosta jatunchana takitan churawarqan.
Lliumi chaytaqa ancha respetowan qhawanqaku,jinaspan Jehová Diospi confianqaku.
4 May kusisqan Jehová Diospi jap’ipakuq runaqa,may kusisqan mana respetoyoq runakunata, llulla runakunata mana qatikuqqa.
5 ¡Diosníy Jehová, qanqa imaymanatan ruwarqanki!
Noqaykuraykun musphanapaq kaqkunata ruwarqanki,noqaykupaqmi imaymana allinkunata yuyaykurqanki,+manan pipas qan jinaqa kanmanchu.+
Chaykunamanta rimayta munayman chayqa,nishu askhan kanman, mana tukurikuqmi kanman.+
6 Qanqa manan sacrificiotapas ni ofrendatapas munarqankichu,+chaywanpas ninriytan kicharirqanki uyarinaypaq.+
Manan mañakurqankichu ruphachina ofrendakunatapas ni jucha pampachay ofrendakunatapas.+
7 Jinan nirqani: “Diosníy, kaypin kashani.
Qelqa k’uyupin noqamanta qelqasqa kashan.+
8 Diosnilláy, munayniyki ruwaymi noqataqa anchata kusichiwan,+kamachikuyniykikunaqa sonqoy ukhupin kashan.+
9 Chanin kaqmantan allin willakuykunata willani,juñusqa llaqtantin runakunamanmi chayta willani.+
Jehová Diosníy, yachasqayki jinapas,noqaqa simiyta mana wisq’aspan chayta ruwani.+
10 Chanin kayniykitaqa manan sonqoyqa pakanchu.
Junt’aq kasqaykita salvaq kasqaykitawanmi lliuman willani.
Mana tukukuq munakuyniykitapas cheqaq kayniykitapas askha runakunaq ñaupanpin willani”,+ nispa.
11 Diosnilláy Jehová, khuyapayayniykita ama pakawaychu.
Mana tukukuq munakuyniykiwan cheqaq kayniykipiwan waqaychawachun.+
12 Imaymana llakin muyuykushawan,mana yupay atiyraqmi chaykunaqa kashan.+
Juchaykunan nishuta ñit’ishawan,manan purinay ñantapas rikuniñachu.+
Juchaykunaqa umaypi chujchamantapas aswan askhan kapun,may llakiq ñit’isqanmi kashani.
13 Diosnilláy Jehová, ama jinachu kay, libraway.+
Diosníy Jehová Dios, usqhaylla jamuy, yanapaykuway.+
14 Wañuchiyta munawaqkuna pisichasqa kachunku,llapanku p’enqasqa qhepachunku.
Llakipi tarikusqaywan kusikuqkunapas k’umuchisqa kutipuchunku.
15 “¡Allinmi chhaynapi tarikusqanqa!”, nispa asipayawaqkunaqa
llapanku may p’enqaypi tarikuchunku.
16 Maskhaqniykikuna ichaqa kusikuchunku,+qanrayku may kusisqa kachunku.+
Imayna salvasqaykiwan kusikuqkuna nichunku:
“¡Jatunchasqa kachun Jehová Diosqa!”,+ nispa.
17 Noqaqa mana piniyoq wajchan kani.
Jehová Dios qhawariwachun.
Diosníy, qanmi yanapawaqniyqa, librawaqniyqa kanki.+
Diosníy, amayá nishutaqa suyachikuwaychu.+
Uraypi willakuykuna
^ Chaypiqa “Pacienciawanmi” nillanmantaqmi.
