Salmos 20:1-9
-
Diospa ajllasqan reyta libraymanta
-
Wakinqa carretakunapi caballokunapi iman confianku, “noqaykun ichaqa Jehová Diosniykuta sutinmanta wajakuyku” (7)
-
Takiqkunata pusariqpaq. Davidpa takin.
20 Sinchi llakikuy p’unchaypi mañakusqaykita Jehová Dios uyarimuchun.
Jacobpa Diosninpa sutin qanta pakaykuchun.+
2 Ch’uya tiyananmantapacha qanman yanapayta chayachimuchun,+Sionmantapacha qanpaq yanapay chayamuchun.+
3 Ofrendakuna jaywasqaykitapas llapanta yuyarichun,ruphachina ofrendaykitapas kusisqa chaskichun. (Séla).
4 Sonqoykiq munasqankunata ruwachun,+llapa yuyaykusqaykitapas allinman tukuchichun.
5 Imaynachus librawasqaykikumantan kusisqa qaparisaqku.+
Diosniykuq sutinpin banderaykuta kusisqa oqarisaqku.+
Llapa mañakusqaykita Jehová Dios ruwachun.
6 Kunanqa allintan yachani Jehová Diosqa ajllakusqanta libraq kasqanta.+
Payqa janaq pachamantapachan wajakusqanta uyarimun,jatun ruwaykunata ruwaspan paña makinwan payta libran.+
7 Wakinqa carretakunapin confianku, wakintaq caballokunapi,+noqaykun ichaqa Jehová Diosniykuta sutinmanta wajakuyku.+
8 Paykunaqa urmapunkun, wijch’urayasqan kashanku,noqaykun ichaqa jatariyku, sayarichisqan kayku.+
9 ¡Diosníy Jehová, reyta salvay!+
Wajakusqayku p’unchaypas uyarimuwayku.+
