Salmos 19:1-14
Takiqkunata pusariqpaq. Davidpa takin.
19 Janaq pachan Diospa jatun kayninmanta willan.+
Cielopi kaqkunan llapa kamasqankunamanta willan.+
2 P’unchay-p’unchaymi chaykunaqa rimashanku,tutan-tutanmi paykunaqa yachachishanku.
3 Manan ima rimaypas uyarikunchu,manan pipas rimarimunchu,manan ima kunkapas uyarikunchu,
4 ichaqa pachantinmanmi willakuyninkuqa chayan,yachachiyninkuqa kay pachaq k’uchunkunamanraqmi chayan.+
Diosmi cielopi intipaq karpata ruwapun.
5 Intiqa puñunan wasimanta lloqsimuq casarakuq runa jinan,ñanninta kusisqa phawaq kallpasapa runa jinan.
6 Cieloq juj lado cantonmantan lloqsimun,juj lado cantonkamataq muyuykun,+manan imapas ruphayninmantaqa pakakunmanchu.
7 Jehová Diospa leyninqa ch’uyan,+mana kallpayoqtan kallpayoqman tukuchin.+
Jehová Diospa yuyarichiyninkunaqa confianapaq jinan,+mana yachayniyoqtan yachayniyoqman tukuchin.+
8 Jehová Diospa kamachikuyninkunaqa chaninmi,sonqotan mayta kusichin.+
Jehová Diospa rimasqankunaqa mana qhelliyoqmi,ñawitan sumaqta k’ancharichin.+
9 Jehová Diosta manchakuyqa allinpunin,+ wiñaypaqmi chayqa.
Jehová Diospa chaninchayninkunaqa cheqaqmi, chaninmi.+
10 Chaykunaqa qorimantapas aswan munaymi,ch’uyanchasqa askha qorimantapas aswan allinmi.+
Mielmantapas aswan misk’in,+abejaq q’esanmanta sut’umuq misk’imantapas aswan misk’in.
11 Chaykunawanmi kamachiyki runataqa yuyaychakun,+pipas kasukuqqa jatun premiotan chaskikun.+
12 ¿Pin reparakunman pay kikinpa pantasqanta?+
Mana reparakuspa juchallikusqayta pampachaway.
13 Kamachiykita jark’aykuway jatunchakuspa mana ruwana kaqta ruwanaymanta,+amapuni munaychu jatunchakuq kaywan atipachikunaytaqa;+chhaynapin mana ima juchayoq kasaq,+jatun juchakunamantapas mana juchachanan kasaq.
14 Diosníy Jehová, simiypa rimarisqankunaqa munayniykiman jinapuni kachun,+pakakunay qaqa,+ rantiwaqniy Dios,+ sonqoypa yuyaykusqankunaqa qanpaq jinapuni kachun.
