Proverbios 24:1-34
24 Ama millay runakunataqa envidiakuychu,ama paykunawan juñukuytapas munapayaychu.+
2 Paykunaq sonqonkuqa maqanakuyllapin yuyaykun,siminkupas mana allin ruwaykunallamantan riman.
3 Yachaywanmi wasitaqa* jatarichikun,+allin yuyaywanmi tajyachikun.
4 Yachaywanmi cuartonkunatapas imaymana sumaq kaqkunawan junt’achikun,ancha valorniyoq cosaskunawanmi junt’achikun.+
5 Yachayniyoq runaqa atiyniyoqmi,+imapas yachasqanwanmi aswan atiyniyoq kapun.
6 Allin yuyaychayta maskhaspan guerrataqa+ ruwanki,atipanapaqqa askha yuyaychaqkunan kanan.+
7 Cheqaq yachayqa mana aypay atinan mana yuyayniyoqpaqqa,+manan payqa llaqta punkupi imaniytapas atinmanchu.
8 Mana allin ruwaykunallapi yuyaykuqtaqamana allin ruwaykunaq patronnin nispan ninqaku.+
9 Mana yuyayniyoqpa yuyaykusqanqa juchamanmi apan,burlakuq runaqa cheqnisqan.+
10 Sinchi llakikuy p’unchaykunapi pisi kallpayanki chayqa,manan kallpayki kanqachu.
11 Wañuchisqa kanankupaq apasqakunata libray,yanqallaña wañuyman rishaqkunata salvay.+
12 “Manan chaytaqa yacharqaykuchu” ninkichus chayqa,¿manachu sonqokunata t’aqwiqqa reparanqa?+
Arí, payqa reparanqan, qhawamushasunkitaq chayqa yachanqan,sapankamanpas ruwasqanman jinan pagapunqa.+
13 Churilláy, mielta mijuy, mielqa allinmi;misk’illañan simipaqpas.
14 Chhaynallataqmi yachaypas allinniykipaq kanqa.+
Yachayta tarinki chayqa sumaqtan kausanki,suyakuyniykipas manan qollunqachu.+
15 Ama chanin runaq wasinta millay runa jina qhamiyaychu,*ama maypi samakunantapas thuniychu.
16 Qanchis kutitaña chanin runa urmanqa chaypas sayaripullanqan,+millay runatan ichaqa ñak’ariy jujpaqkama urmachinqa.+
17 Enemigoyki urmaqtinqa ama kusikuychu,misk’akuqtinpas ama sonqoykipi kusikuychu.+
18 Mana chayqa manan Jehová Diosqa allinpaqchu chayta qhawarinqa,manañataqmi enemigoykipaqqa phiñakunqañachu.+
19 Ama millay runakunarayku phiñakuychu,amallataq mana allin ruwaqkunatapas envidiakuychu.
20 Millay runaqqa manan suyakuynin kanchu,+millay runakunaq k’anchayninqa wañupunqan.+
21 Churilláy, Jehová Diostawan reytawan manchakuy.+
Amataq mana kasukuqkunawanpas* juñukuychu.+
22 Paykunaqa qonqayllan ñak’ariypi tarikunqaku.+
Manan pipas yachanchu imayna ñak’ariytachus iskayninku* chayachimunankuta.+
23 Kaykunaqa yachayniyoqkunaq rimasqanmi.
Manan allinchu juzgaspa jujman sayapakuyqa.+
24 Millay runata “qanqa chaninmi kanki”+ nispa niqtaqallaqtakunan ñakanqaku, nacionkunapas juchachanqakun.
25 Anyaqkunan ichaqa allillan kanqaku,+sumaq bendicionkunatan chaskinqaku.+
26 Sut’illanta kutichiqtan runaqa respetanqa.*+
27 Jawapi ruwanaykikunataraq ruwamuy, campopi ruwanaykitaraq alistamuy,chaymantaña wasitaqa ruwakuy.
28 Ama runamasiyki contra yanqa testigaychu.+
Amataq simiykiwanpas jujkunata engañaychu.+
29 Ama niychu: “Ruwawasqanta jinan paytapas ruwarusaq,ruwawasqanman jinan kutichipusaq”,+ nispaqa.
30 Qella runaq chajranpa qayllantan pasarqani,+mana yuyayniyoq runaq uvas chajranpa qayllantan pasarqani.
31 Chajranpiqa qoran wiñaykapusqa,kisan tukupusqa,rumi perqanpas thunisqan kapusqa.+
32 Chayta rikuspan sonqoypi yuyaymanarqani.
Chayta rikuspan kayta yacharqani:
33 “Chhikallantawan puñurisaq, chhikallantawan ch’illmirisaq,chhikallantawan makiyta oqllaykuspa samarisaq” nishanaykikaman
34 wajchayayniykiqa suwa jina jamunqa,pisichikuyniykipas allin armasqa runa jinan chayamunqa.+
Uraypi willakuykuna
^ Chaypiqa “familiataqa” nillanmantaqmi.
^ Qhamiyaytaqa “katiyay, qhawaray” nillankutaqmi.
^ Chaypiqa “Amataq ch’aqwata jatarichiqkunawanpas” nillanmantaqmi.
^ Chaypiqa Jehová Diosmanta reymantawanmi rimashan.
^ Chaypiqa yaqapaschá “Sut’illanta kutichiyqa simipi much’aykuy jinan” nillanmantaq.
