Kay 2024 watapin 13 p’unchay abril killapi Naciones Unidas nisqamanta Secretario General António Guterres wiraqocha rimarqan Irán nación Israel nacionman bombakunata kachaykusqanmanta, chaypin nirqan: “Kunanmi tiempo kashan sonqota tiyaykachinapaq. Kunanmi tiempo kashan ama astawan phiñachinakunapaq, allin yuyaywan imatapas ruwanapaq”, nispa.

 Lliu mundopin yachanku imaynas Medio Oriente nisqa ladopiqa kashallanpuni maqanakuykuna guerrakuna chayta.

 2023 watapin 26 enero killapi Consejo de Seguridad de las Naciones Unidas nisqamanta willakuypi nirqan: “Kay tiempopiqa imaymana guerrakunan rijurimushan, Segunda Guerra Mundial nisqamantapachaqa manan chaykunaqa kasharqanchu. Chaywanmi iskay waranqa millón runakuna jina imaymana llakipi tarikushanku”, nispa

 Kunan ratuqa Israel, Gaza, Siria, Azerbaiyán, Ucrania, Sudán, Etiopía, Níger, Myanmar, Haití nacionkunapin chay guerrakuna maqanakuykuna ima kashan. a

 ¿Jayk’aqkaman chay maqanakuykuna kanqa? ¿Kay pacha gobiernokuna atinkumanchu thaj kausay apamuyta? ¿Imatapas Biblia willashanmanchu chaykunamanta?

 Lliupi guerrakuna kasqanmi rikuchin imaynas llapa guerrakunaq tukukunan p’unchayqa chayamushanña chayta. Chaymantapas chay guerrakunaq kanantaqa willarqanñan Bibliapiqa. Chay guerrakunaqa “kay tiempo tukukapunanña kashaqtinmi” aparikunan karqan (Mateo 24:3).

•   “Qankunaqa qayllapi karupi guerrakuna kasqanmantan uyarinkichis, [...] Juj nacionmi juj nación contra jatarinqa, juj llaqtataq juj llaqta contra jatarinqa” (Mateo 24:6,7).

 Imaynas guerrakuna kananmantaqa willarqanña Bibliapi chayta astawan yachanaykipaq leey “¿Cuál es la señal de “los últimos días” o “los tiempos finales”?”, nisqa yachachikuyta.

 Bibliapi willasqanman jinaqa, tukupunqan llapa guerrakunapas. ¿Imaynata? Chaykunataqa manan runakunachu tukuchinqa, aswanmi Armagedón guerrapi chaykunaqa ch’inñipunqa. Chay Armagedón guerraqa “tukuy atiyniyoq Diospa jatun p’unchaynin guerran” (Apocalipsis 16:14, 16). Chay Armagedón guerra qhepamanqa Diospa promesanman jinan kay pachapiqa thaj kausay t’ikarinqa (Salmos 37:10, 11, 29).

 Imaynas Diospa guerran llapa guerrakunata ch’inñichinqa chayta astawan yachayta munanki chayqa leey “¿Iman Armagedón?” nisqa yachachikuyta.