2022 watapi 24 mayo p’unchaypin juj sinchi millay ruway pasarqan, Estados Unidos nacionpin Uvalde llaqtapi juj runa wawakunata balearqan. The New York Times nisqa periodicon chayta willarqan, nirqanmi: “Juj runan armanwan Robb nisqa escuelapi chunka isqonniyoq wawakunata iskay profesorakunatawan baleaspa wañuchin”, nispa.

 Chhayna millay ruwaykunaqa yapakushanmi. USA Today nisqa periodicon willarqan: “Estados Unidos nacionllapin qayna wata 249 kutita escuelakunapi wawakunata balearqanku, chay ruwaykunaqa pasaq watakunamantapas astawanraqmi yapakushan”, nispa.

 ¿Imaraykun chhayna millay ruwaykuna pasan? ¿Imatan ruwasunman chhayna millay ruwaykuna pasaqtin ama nishuta llakikunanchispaq? ¿Jayk’aqllapas millay ruwaykuna tukupunmanchu? Biblian chaykunata kutichin.

•    Bibliaqa willarqanñan “tukukuy p’unchaykunapi” runakunaqa “runamasinkuta mana munakuqkuna” “k’araq sonqokuna” kanankuta, sinchi millay ruwaykunata ruwanankuta. Chay runakunaqa “aswan mana allinmanmi tukupunqaku” (2 Timoteo 3:1-5, 13). Chaymanta astawan yachanaykipaq leey “¿Predijo la Biblia cómo sería la gente en nuestros días?” nisqa yachachikuyta.

 Askha runakunan ninku: “Imaraykun jinallata Dios qhawan chay escuelapi jina millay ruwaykunata”, nispa. Bibliaq kutichisqanta yachanaykipaq leey “¿Por qué le pasan cosas malas a la gente buena?” nisqa yachachikuyta.

•    “Ñaupaqpi qelqasqa kaqkunaqa yachachiwananchispaqmi qelqasqa karan; chaymantapas Diospa simin qelqan kallpachawanchis, aguantananchispaqpas yanapawanchis, chaymi suyakuyniyoqpas kanchis” (Romanos 15:4).

 Bibliapi kaq consejokunaqa yanapasunkimanmi millay ruwaykuna kaqtin ama nishuta llakikunaykipaq. Astawan yachanaykipaq qhaway ¡Despertad! qelqapi “¿Acabará algún día la violencia?” nisqa yachachikuyta.

 Chhayna millay ruwaykuna kashasqanta noticiakunapi rikuspan wawakunaqa mancharikunku llakikunku ima. Chaykunata qhawaspa wawayki ama nishuta llakikunanpaq yanapay. Chaypaq leey “El efecto de las noticias en los niños” nisqa yachachikuyta.

•    “Ñak’arichiymantan, sarunchaymantan paykunataqa qespichin” (Salmos 72:14, Diospa Simin Qelqa).

•    “Espadankumantan yapuna rejakunata ruwakapunqaku, lanzankumantapas ichhunakunatan ruwakapunqaku. Manan mayqen suyupas huk suyuwan maqanakunqañachu, manan awqa-tinkuypaqpas wakichikunqakuñachu” (Miqueas 4:3, Diospa Simin Qelqa).

 Diosqa runakunaq mana ruway atisqantan ruwanqa. Paypa gobiernonmi armakunatapas millay ruwaykunatapas chinkachipunqa. Imakunatachus Diospa gobiernon ruwanqa chaymanta astawan yachanaykipaq, leey “El Reino de Dios traerá ‘paz en abundancia’” nisqa yachachikuyta.