¡MAKILLAN KASHANA!
2023 watapin runakuna sinchi llakisqa tarikurqanku | ¿Imatapas Biblia willashanmanchu chaymanta?
2023 watapi imaymanakunaq pasasqanwanmi sut’ita reparanchis Bibliaq willasqanman jina tukukuy p’unchaykunapi kausashasqanchista (2 Timoteo 3:1). Kaypi yachasun Bibliaq nisqanman jina imakunas kay tiempopi pasashan chayta.
Bibliapi willasqanman jinan imaymanakuna kay tiempopi pasashan
“Guerrakuna kasqanmantan uyarinkichis” (Mateo 24:6).
“Maqanakuykuna ch’aqwaykuna pachantinpin astawanraq yapakushan”. a
Astawan yachanaykipaq leey “¿Pin guerrakunamanta salvayta atiwasunman?”, “Pachantinpi gobiernokunan askha qolqeta gastashanku soldadokunapi armakunapi ima” nisqa willakuykunata.
“Kayneqpi chayneqpin kanqa terremotokunapas” (Marcos 13:8).
“2023 wata qallariymantapachan chunka kinsayoq jatun terremotokuna pachantinpi pasarqan, manan chay jinaqa jayk’aqpas pasarqanchu”. b
Astawan yachanaykipaq leey “Turquiapi Siriapi jatun terremotokunaq pasasqan” nisqa willakuyta.
“Runakunan rikunqaku mancharikunapaq jina kaqkunata” (Lucas 21:11).
“Qayna watakunamantaqa 2023 watapin kay pachaqa astawanraq q’oñirirqan” (António Guterres, secretario general de la ONU). c
Astawan yachanaykipaq leey “2023 watapin ruphayqa tukuy ladopi astawanraq yapakushan” nisqa willakuyta.
“Kayneqpi chayneqpin kanqa yarqaypas” (Mateo 24:7).
“2023 watapin askha familiakuna mana mijunayoq tarikurqanku”. d
Astawan yachanaykipaq leey “Guerrakuna kasqanwan tiempopas nishuta cambiapusqanwanmi mijuy nishuta pisiyapushan” nisqa willakuyta.
“Manchakuy sinchi sasa tiempokunan chayamunqa” (2 Timoteo 3:1).
“Pachantinpi pusaq runamantan juj runa umanmanta mal kashan”. e
Astawan yachanaykipaq leey “Askha wayna-sipaskunan llaki onqoyman urmashanku” nisqa willakuyta.
¿Imaynan kausay kanqa 2024 watapi?
Manan pipas yachanchu imakunas 2024 watapi pasanqa chaytaqa. Ichaqa kay pachapi imaymanakunaq pasasqanwanmi yachanchis pisi tiempollamanta Diospa gobiernon kay pachapi gobiernokunaq rantinpi kamachikamunanta. Chay gobiernon kay pachapi ñak’ariykunata imaymana onqoykunata chinkachipunqa (Daniel 2:44; Apocalipsis 21:4).
Sichus sinchi llakikuypi tarikushanchis chayqa Diospa yanapaynintan mañakunanchis. Biblian nin:
“Manchakuy chayamuwaqtinqa qanmanmi jap’ipakamuyki” (Salmos 56:3).
¿Imaynatan Diospi confiasqanchista rikuchisunman? Chaypaqmi kallpachaykiku Bibliapi Diospa promesankunamanta astawan yachanaykipaq. Chaymi invitaykiku Jehová Diospa testigonkunawan Bibliata estudianaykipaq. Chaypin yachanki imaynatas Bibliapi Diospa promesankunamanta yachasqayki yanapasunkiman qantapas familiaykitapas chayta.
a Relaciones Exteriores, “Un Mundo en Guerra: ¿Qué está detrás de la Explosión Mundial de Conflicto Violento?” por Emma Beals y Peter Salisbury, Octubre 30, 2023.
b Noticias del Terremoto, “Año 2023: Número de Terremotos Importantes en Camino de alcanzar un Récord,” Mayo, 2023.
c Naciones Unidas, “Secretario-Discurso de Apertura del General en Conferencia de Prensa sobre el Clima,” Julio 27, 2023.
d Programa Alimentario Mundial, “Una Crisis Alimentaria Mundial.”
e Organización Mundial de la Salud, “Día de la Salud Mental Mundial 2023,” Octubre 10, 2023.
Astawan yachanaykipaq
BIBLIAMANTA YACHACHIKUYKUNA
¿Iman Diospa gobiernon?
Jesús kay pachapi predicaspaqa Diospa gobiernonmantan astawanqa rimaran. Unay tiempoñan runakunaqa mañakushanku gobiernon jamunanpaq.
NOQAYKUMANTA
¿Munawaqchu wasiykiman jamunaykuta?
Bibliaq yachachisqanta astawan t’aqwiriy otaq Jehová Diospa testigonkunamanta astawan yachay
