Salmos 90:1-17
Diospa kamachin Moisespa mañakusqan.+
90 Diosníy Jehová, qanllan pakakunaykuqa kanki,+ñaupa tiempomantapachan qanllapi pakakushayku.
2 Manaraq orqokunapas paqarishaqtinmi,manaraq kay pachapas, imaymana wiñachiq jallp’apas kamasqa kashaqtinmi*+ qanqa karqankiña;wiñay-wiñaymanta wiñay-wiñaypaqmi qanqa Dios kanki.+
3 Qanmi wañuq runata ñut’u jallp’aman tukuchinki,paykunatan ninki: “Runaq churinkuna, ñut’u jallp’aman kutiychis”,+ nispa.
4 Ñawiykipaqqa waranqa wataqa qayna-unchay jinallan,+iskay kinsa hora jinallan.*
5 Runakunataqa qonqayllan chinkachinki,+tutapi mosqoy jinallan kanku.
Tutamantanqa llanllarishaq qora jinan kanku,+
6 pacha illariypaqqa munaytan t’ikarin,tardeyaykuypaqtaq naq’epuspa ch’akipun.+
7 K’araq phiñakuyniykin tukupushawanku,+coleraykin sinchita manchachiwanku.
8 Qanqa allintan yachanki imakunapi juchallikusqaykuta,*+ñawiykiqa allintan rikushan pakapi imachus ruwasqaykuta.+
9 Phiñakuyniykiwanmi kausasqayku p’unchaykunaqa chinkaripun;kausasqayku watakunapas samay jinallan chinkaripun.
10 Kausayniykuqa qanchis chunka watallamanmi chayan,kallpayoqkunataq pusaq chunka wataman chayanku.+
Chaywanpas chay watakunaqa nanayllan, llakikuyllan,usqhayllan chay watakunaqa pasan, manaraq imapin chinkapuyku.+
11 ¿Pin yachanman k’araq phiñakuyniykiq atiyninta?
K’araq phiñakuyniykiqa may jatunmi, qanta manchakunayku jina jatunmi.+
12 Kausasqayku p’unchaykuna qhawarikuyta* yachachiwayku,+chhaynapin sonqoykuqa allin yuyayniyoq kanqa.
13 Diosniyku Jehová, kutirimuwayku.+
¿Jayk’aqkaman phiñasqalla kanki?+
Khuyapayay kay kamachiyki runakunata.+
14 Tutamantan mana tukukuq munakuyniykita* rikuchiwayku,+chhaynapin kusikuymanta qaparisaqku,+llapa kausasqayku p’unchaykunan kusisqa kasaqku.
15 Ñak’arichiwasqaykiku p’unchaykunaman jina kusichiwayku,+sufrisqayku watakunamanta q’ochukuyta qowayku.+
16 Kamachiykikuna ancha sumaq ruwasqaykikunata rikuchunku,churinkunapas may jatun atiyniykita rikuchunku.+
17 Jehová Diosniyku, bendicionniyki noqaykupi kashachun.
Makiykuq llank’asqanta allinpi tukuchiy,*arí, makiykuq llank’asqanta bendeciy.+
Uraypi willakuykuna
^ Chaypiqa “manaraq kay pachatapas, imaymana wiñachiq jallp’atapas nanaywan onqokushaspan” nillanmantaqmi.
^ Chaypiqa “tutapi jujnin vigilia jinallan” nillanmantaqmi. Juj vigiliaqa tawa hora jinan kaq.
^ Hebreo rimaypiqa “juchaykutan ñaupaykiman churanki” ninmi.
^ Chaypiqa “Kausasqayku p’unchaykuna imayna yupayta” nillanmantaqmi.
^ Qhaway Explicasqa simikuna nisqapi “Mana tukukuq munakuy” nisqata.
^ Chaypiqa “allinta tajyachiy” nillanmantaqmi.
