Salmos 81:1-16
Takiqkunata pusariqpaq. Guitij* nisqamanta. Asafpa takin.+
81 Kallpa qowaqninchis Diospa ñaupanpi kusisqa qapariychis.+
Jacobpa Diosninman may kusisqa takiychis.
2 Musicata tocaychis, tamborta jap’iychis,munay waqaq arpata tocaychis,cuerdayoq tocanakunata tocaychis.
3 Fiesta p’unchaypaq waqrata tocaychis,+mosoq killa p’unchaypi, pura killa* p’unchaypi waqrata tocaychis;+
4 chayta ruwananpaqmi Israelqa kamachisqa karqan,chaypaqmi Diosqa Jacobta kamachirqan.+
5 Chay kamachikuytan* payqa Josepaq churarqan,+Egipto contra rishaspan chayta kamachirqan.+
Juj mana reqsisqay kunkatan* uyarirqani, chay kunkan nimurqan:
6 “Noqan q’epintaqa rijranmanta uraykachirqani,+makinpas manañan llasa canasta aysantinchu karqan.
7 Llakikuyniykipin wajamuwarqanki, jinan noqaqa librarqayki,+yana phuyukunaq sonqonmantan uyarimurqayki.+
Meribá* nisqa unu ladopin pruebaman churarqayki.+ (Séla).
8 Llaqtalláy, uyariway, qan contran rimasaq.
Israel, may allinchá kanman uyarikuq kawaq chayqa.+
9 Aman qan ukhupiqa ima idolopas kanqachu,aman waj runakunaq idolonkunamanqa k’umuykunkichu.+
10 Noqa Jehová Diosmi Diosniykiqa kani,noqan Egipto llaqtamantaqa orqomurqayki.+
Simiykita kichariy, noqan sajsanaykikama mijuchisayki.+
11 Llaqtayqa manan simiyta uyarikurqanchu,Israelqa manan kasukuyta munarqanchu.+
12 Chaymi mana jark’arqanichu k’ullu sonqonkuq munasqanman jina purinankuta.
Paykunaqa munayninkuman jinan kausarqanku.+
13 ¡May allinchá kanman llaqtay uyarikuq kanman chayqa!+
¡May allinchá kanman Israel ñanniypi purinman chayqa!+
14 Chayta ruwanman chayqa,manaraq imapin enemigonkunata k’umuchiyman,llapa cheqnikuqnin runakuna contran jatariyman.+
15 Noqa Jehová Diosta cheqnikuwaqkunaqa khatatataspan* ñaupayman jamunqaku,paykunaqa wiñaypaqmi chinkachisqa kanqaku.
16 Qanmanmi* ichaqa allin kaq trigota mijuchisayki,+qaqapi mielwanmi sajsachisayki”,+ nispa.
Uraypi willakuykuna
^ Pura killataqa “junt’a killa” nillankutaqmi.
^ Chaypiqa “yuyarichiytan” nillanmantaqmi.
^ Chaypiqa “rimaytan” nillanmantaqmi.
^ Meribá sutiqa “discutiy” otaq “churanakuy” ninantan nin.
^ Khatatataytaqa “kharkatiy” nillankutaqmi.
^ Chaypiqa Diospa llaqtanmantan rimashan.
