Salmos 8:1-9
Takiqkunata pusariqpaq, Guitij* nisqamanta. Davidpa takin.
8 Señorniyku Jehová, ¡sutiykiqa may jatunmi llapa kay pachantinpi!
¡Jatun kayniykiqa janaq pachamantapas aswan jatunraqmi!+
2 Erqechakunaq rimasqanwanmi, ñuñuq wawakunaq siminwanmi+ kallpaykita rikuchinki,chhaynapi sinchi millay enemigokunaqa ch’in kanankupaq,chhaynapi paykunaqa ama imatapas rimarinankupaq.
3 Kamasqayki cielota rikuspan,makiykiq llapa ruwasqankunata rikuspan,killatapas ch’askakunatapas rikuspan+ nini:
4 “¿Imataq wañuq runari payta yuyarinaykipaq?
¿Iman runaq churin payta qhawarinaykipaq?”,+ nispa.
5 Paykunataqa angelkunamanta juj chhikan menostan ruwasqanki,ichaqa, qhapaqchayta atiyta iman paykunaman qosqanki.
6 Makiykiq llapa ima ruwasqanmanta encargakunanpaqmi churasqanki,+llapa chaykunata kamachinanpaqmi paykunaman jap’ichisqanki.
7 Llapa ovejakunata wakakunata iman qosqanki,qollasqankitaqmi campopi salqa animalkunatapas.+
8 Paykunamanmi qosqanki phalaq animalkunata, lamar-qochapi challwakunatapas,qollasqankitaqmi lamar-qochapi tiyaq llapa animalkunatapas.
9 Señorniyku Jehová, ¡may jatunmi sutiykiqa llapa kay pachapipas!
