Salmos 71:1-24
71 Diosníy Jehová, qanpin noqaqa pakakuni.
Amayá jayk’aqpas p’enqachisqaqa kasaqchu.+
2 Chanin kasqaykirayku libraway, qespichiway.
Ninriykita noqaman kutirichimuy, salvaway Diosníy.+
3 Pakakunay qaqaman tukuy,sapa kutillanmi qanman jaykumusayki.
Salvasqa kanaypaq kamachikuy,qanmi pakakunay qaqapas, allin perqasqa llaqtaypas kanki.+
4 Diosníy, millay runaq makinmanta libraway,+ñak’arichiq mana chanin runamanta libraway.
5 Tukuy munayniyoq Señor Jehová, qanpin suyakuni,wayna kasqaymantapachan qanman jap’ipakuni.+
6 Nacesqay p’unchaymantapachan yanapaynillaykiwan kashani;qanmi mamaypa wijsanmantaqa orqomuwarqanki.+
Qanllatan tukuy tiempo jatunchasayki.
7 Imachus pasawasqanwanmi runakunaqa admirakurqanku,ichaqa qanmi pakakunayqa kanki.
8 Simiyqa qanpaq jatunchay takikunawanmi junt’a kashan;+sapa p’unchaymi may jatun kasqaykimanta rimani.
9 Amayá machuyapuqtiyqa saqerpariwankichu,*+amayá kallpay pisiyapuqtinpas wijch’uwankichu.+
10 Enemigoykunan noqa contra rimashanku,wañuchiwayta munaqkunan noqa contra parlashanku.+
11 Paykunan nishanku:
“Diosmi paytaqa saqerparin.
Phawaychis, jap’imuychis,manan pi yanapaqninpas kanchu”,+ nispa.
12 Diosníy, amayá karullamantaqa qhawamuwaychu,Diosnilláy, usqhaylla jamuy, yanapaykuway.+
13 Noqa contra jatariqkunaqa pisichasqa, tukuchisqa kachunku.+
Mana allinpi tarikunayta munaqkunaqa p’enqachisqa, k’umuchisqa kachunku.+
14 Noqan ichaqa suyakushallasayki,sapa kutinmi astawanraq jatunchasayki.
15 Simiymi chanin kasqaykimanta rimanqa,+sapa p’unchaymi salvaq kasqaykimanta rimanqa,mana yupay atiyña chaykuna chaypas, rimashallasaqmi.+
16 Tukuy munayniyoq Señor Jehová,atiywan ruwasqaykikunamantan willasaq,chanin kasqaykimantan rimasaq.
17 Diosníy, qanqa wayna kasqaymantapachan yachachiwarqanki,+chaymi noqaqa kunankamapas rimashallani musphanapaq ruwayniykikunamanta.+
18 Diosnilláy, machuyapuqtiypas ama qonqawaychu,soqo umaña* kapuqtiypas amapuni saqewaychu.+
Chhaynapi qhepa wiñaykunaman jatun atiyniykimanta willanaypaq,jamuq miraykunamanpas kallpaykimanta willanaypaq.+
19 Diosnilláy, chanin kasqaykiqa may jatunpunin,+qanqa ancha jatun ruwaykunatan ruwarqanki.
Diosníy, ¿pin qan jina kanman?+
20 Sinchi llakipiña, sinchi ñak’ariypiña purichiwarqanki chaypas,+jujmanta kallpachaway,jallp’aq sonqonmanta* kutichimuway.+
21 Respetasqa kayniyta kutichipuway,sonqochaykuway, yanapayniykiwan muyuykuway.
22 Diosníy, cuerdayoq tocanakunawanmi jatunchasayki,junt’aq kasqaykiraykun alabasayki.+
Israelpa ch’uya Diosnin, jatunchay takikunatan takipusayki,*arpawan yanapachikuspan sumaqta takipusayki.
23 Simiymi kusisqa jatunchay takikunata takinqa,+kausayniyta librasqaykiraykun may kusisqa takisaq.+
24 Wañuchiyta munawaqkunaqa p’enqachisqan, pisichasqan kanqaku,+chaymi qalluyqa sapa p’unchay chanin kayniykimanta rimanqa.+
Uraypi willakuykuna
^ Yaqapaschá kay salmo takita qelqaqqa machuña kasharqan.
^ Soqo umataqa “qaqa uma” nillankutaqmi.
^ Chaypiqa “unu ukhumanta” nillanmantaqmi.
^ Chaypiqa “musicatan tocapusayki” nillanmantaqmi.
