Salmos 57:1-11
Takiqkunata pusariqpaq. “Ama ñut’uychu”* nisqaman jina. Davidpa takin. Mijtan.* Saulmanta ayqekuspa qaqa t’oqopi pakakushaspan Davidqa kay takita paqarichirqan.+
57 Diosníy, sumaqta qhawariway,Diosníy, khuyapayaykuway,qanpin noqaqa pakakuni;+sasachakuykuna tukunankaman rafraykiq llanthunpi pakakuni.+
2 Noqaqa ancha jatun Diostan wajakuni,sasachakuyniykunata tukuchiq Diostan wajakuni.
3 Paymi janaq pachamanta yanapamuwanqa, paymi librawanqa.+
Contraypi kaqkunaq ruwaynintan mana allinman tukuchinqa. (Séla).
Diosqa mana tukukuq munakuynintan, junt’aq kaynintan rikuchiwanqa.+
4 Leonkunan muyuykushawanku.+
Mijuyta munawaq runakuna chaupipin kashani,paykunaq kirunkuqa lanzakuna jinan, flechakuna jinan,qallunkupas filochasqa espada jinan.+
5 Diosníy, ancha jatun kasqaykita janaq pachapi rikuchiy,jatunchasqa kasqaykita lliu jallp’a pachapi rikuchiy.+
6 Jap’iyta munawaspankun llikata mast’anku,+sinchi llakisqan kashani.+
Purinaypin t’oqota ruwanku,ichaqa paykunallataqmi chayman urmaykunku.+ (Séla).
7 Diosníy, sonqoyqa qanllawanmi kashan,+arí, sonqoyqa qanllapaqpunin.
Jatunchay takitan takipusayki, jatunchay musicatan tocapusayki.
8 Sonqolláy, rijch’ariy,cuerdayoq tocana, sayariy,qanpas arpa, jatariy;pacha illarimuytan rijch’arichisaq.+
9 Diosníy Jehová, llaqtakuna ukhupin alabasayki,+nacionkuna chaupipin jatunchay takikunata takipusayki.*+
10 Mana tukukuq munakuyniykiqa may jatunmi, cielokamaraqmi chayan,+junt’aq kasqaykipas phuyukamaraqmi chayan.
11 Diosníy, ancha jatun kasqaykita janaq pachapi rikuchiy,jatunchasqa kasqaykita lliu jallp’a pachapi rikuchiy.+
Uraypi willakuykuna
^ Chaypiqa yaqapaschá musicaq imayna uyarikusqanmanta otaq imayna tocakusqanmanta rimashan.
^ Chaypiqa “musicata tocapusayki” nillanmantaqmi.
