Salmos 49:1-20
Takiqkunata pusariqpaq. Corepa churinkunaq takin.+
49 Llaqtakuna, kayta uyariychis.
Kay pachapi tiyaqkuna, tukuy yuyaywan uyariychis.
2 Jatunkunapas, juch’uykunapas,qhapaqkunapas, wajchakunapas* uyariychis.
3 Simiyqa yachaywanmi rimanqa,sonqoyqa allin yuyaymanasqatan rimanqa.+
4 Yachaywan rimaykunatan* uyarisaq,arpata tocaspan chayta sut’inchasaq.
5 ¿Imaraykun sasa tiempo chayamuqtin manchakuyman?+
¿Imaraykun manchakuyman millay runakuna chinkachiyta munaspa muyuykuwaqtinku?
6 Kaqninkunapi confiaqkunaqa,+qhapaq kayninkunawan jatunchakuqqa,+
7 manan jayk’aqpas wayqentaqa librayta* atinmanchu,manan Diosmanpas paypaq rantinpiqa imatapas qoyta atinmanchu.+
8 (Vidanta libranapaq pagoqa nishu askhan,mana aypay atiymi).
9 Manan wayqentaqa librayta atinmanchu,manan wiñay kausaytapas qoyta atinmanchu,nitaqmi aya p’ampanamantapas librayta atinmanchu.+
10 Runaqa allintan yachan yachayniyoqpas wañuqlla kasqanta.
Mana yachayniyoqpas, mana yuyayniyoqpas chinkapuqllan kanku,+qhapaq kaqninkunatapas jujkunamanmi saqepunku.+
11 Paykunaqa wasinku wiñaypaq kanantan munanku,karpankupas watan-watan jinalla kanantan munanku.
Llapa kaqninkunatapas sutinkuwanmi sutichanku.
12 Runaqa ancha respetasqaña kanman chaypas,manan wiñaypaqchu kausanqa,+payqa animalkuna jina wañupuqllan.+
13 Chaymi mana yuyayniyoqkunaq ñanninqa,+chaymi paykuna qatikuqkunaq ñanninpas,yanqa rimasqankuwan kusikuqkunaq ñanninpas. (Séla).
14 Ovejakuna jinan paykunaqa Sepulturapaq* kashanku.
Wañuymi paykunataqa michinqa;tutamantanqa chanin kaqkunan paykunata kamachinqa.+
Paykunamantaqa manan imapas qhepanqachu;+Sepulturan*+ wasinkuqa kanqa, manan palaciochu.+
15 Noqataqa Diosmi Sepulturaq* makinmanta librawanqa,+chay ukhumantan payqa orqomuwanqa. (Séla).
16 Aman pipas qhapaqyaqtinqa manchakunkichu,wasin ancha munayman tukuqtinpas aman manchakunkichu.
17 Wañuspaqa manan imantapas apanqachu,+qhapaq kayninkunapas manan paywan kuskachu ripunqa.+
18 Kausashaspaqa pay kikinmi jatunchakuq.+
(Qhapaqyaqtiykin runakunaqa alabasunki).+
19 Payqa ñaupa taytankuna jinan wañupullanqataq.
Paykunaqa manan jayk’aqpas k’anchaytaqa rikunqakuñachu.
20 Pipas kaykunata mana entiendeqqa,ancha respetasqaña kanman chaypas,+payqa animalkuna jina wañupuqllan.
Uraypi willakuykuna
^ Wajchataqa “pobre” nillankutaqmi.
^ Qhaway Explicasqa simikuna nisqapi “Yachaywan rimay” nisqata.
^ Chaypiqa “wayqenmantaqa preciota pagayta” nillanmantaqmi.
