Salmos 26:1-12
Davidpa takin.
26 Diosníy Jehová, juzgaway, noqaqa mana juchachanatan kausarqani.+
Diosnilláy Jehová Dios, noqaqa qanllapin mana iskayaspa confiarqani.+
2 Jehová Diosníy, allinta t’aqwiriway,allinta qhaway imaynachus kashani chayta,ch’uyanchay* sonqoyta, sonqoy ukhupi imachus piensasqaytapas.+
3 Mana tukukuq munakuyniykiqa sonqollaypipunin kashanqa,noqaqa chanin ñannillaykipin purishani.+
4 Noqaqa manan rimanakunichu* q’otukuq runakunawanqa,+manan juñukunichu iskay uya runakunawanpas.
5 Cheqnikunin juchasapa runakunawan juñukuytaqa,+manan munanichu millay runakunawan rimanakuytapas.*+
6 Makiytan maqchikusaq, mana juchayoq kasqaytan rikuchisaq,chaymantataq Jehová Diosníy, qanta yupaychaspa altarniykita muyusaq.
7 Qanman gracias qosqaytan uyarichikusaq,+musphanapaq ruwasqaykikunamantan willasaq.
8 Diosníy Jehová, tiyasqayki wasitan munakuni,+maypichus jatun kayniyki rikukun chaytan munakuni.+
9 Ama juchasapakunatawanqa apawaychu,+ama sinchi millay* runakunatawanqa wañuchiwaychu.
10 Paykunaq makinkuqa p’enqakunapaq ruwaykunatan ruwashan,paña makinkupas lluk’iykuywanmi junt’a kashan.
11 Noqan ichaqa chaninllatapuni kausasaq.
Diosnilláy, khuyapayaykuway, libraway.
12 Chakiykunaqa pampapin allinta sayashan.+
Askha runakuna ukhupin Jehová Diosta jatunchasaq.+
Uraypi willakuykuna
^ Chaypiqa “ninawan ch’uyanchay” nillanmantaqmi.
^ Chaypiqa “manan tiyanichu” nillanmantaqmi.
^ Chaypiqa “tiyaykuytapas” nillanmantaqmi.
^ Chaypiqa “yawar jich’aq” nillanmantaqmi.
