Proverbios 26:1-28
26 Imaynan q’oñi tiempopi mana rit’inchu,cosecha tiempopipas mana paranchu,chhaynan mana yuyayniyoq runapas mana jatunchasqachu.+
2 Imaynan phalaq animalpas mana yanqa qasiqa ayqenmanchu,golondrinapas mana yanqa qasiqa phalanmanchu,chhaynan ñakaypas mana yanqa qasiqa chayamunmanchu.
3 Soq’anaqa caballopaqmi, jakimapas asnopaqmi,+varataq mana yuyayniyoq runakunaq wasanpaq.+
4 Ama mana yuyayniyoqmanqa sonso kayninman jina kutichiychu,qanpas ama pay jina kanaykipaq.
5 Mana yuyayniyoqmanqa sonso kayninman jina kutichiy,mana chayqa “yachayniyoqmi kani” ninmanmi.+
6 Chakinta wit’ukuq jinan, pay kikinta k’irikuq jinanmana yuyayniyoqman ruwananta saqeqqa.
7 Mana yuyayniyoqpa siminpi yachaywan rimayqa*+wist’u runaq chakinkuna jinan.
8 Mana yuyayniyoqta jatunchayqa+warak’aman rumita watay jinan.
9 Machasqa runaq makinpi kiska jinanmana yuyayniyoqpa siminpi yachaywan rimayqa.
10 Flechanwan comunta wach’iq jinan*mana yuyayniyoqwan otaq ñaupaqta rijurimuqwan rimanakuqqa.
11 Imaynan alqoqa aqtusqanta mijukapun,chhaynatan mana yuyayniyoqpas mana allin ruwasqanta wajmanta ruwan.+
12 ¿Rikurqankichu yachaysapaman tukuq runata?+
Mana yuyayniyoqta yanapaymi aswan fácil chay runata yanapaymantaqa.
13 Qellaqa khaynatan nin: “¡Malta leonmi ñanpi kashan!
¡Plazapin juj león kashan!”,+ nispa.
14 Punkuqa muyunanpin muyun,qellataq puñunanpi qhospan.+
15 Qella runaqa mijuna p’ukumanmi makinta winaykun,ichaqa sinchi sayk’usqan kashan siminman mijunata apananpaq.+
16 Qellaqa allinta kutichiq qanchis runakunamantapasaswan yachayniyoqpaqmi creekun.
17 Jujkunaq ch’aqwasqanmanta phiñakuyqa*+ninrinkunamanta alqota jap’iy jinan.
18 Raurashaq lanzata chanqaq waq’a runa jinan,wañuchiq flechata wach’iq loco jinan
19 runamasinta mana allin kaqwan chansapayaspa “¡chayqa chansallan karqan!”+ niq runaqa.
20 Llant’a mana kaqtinqa ninan wañupun,yanqamanta tumpaq mana kaqtinqa ch’aqwaymi tukupun.+
21 Sansapaq carbón jinan,ninapaq llant’a jinan jujkunawan jap’inakuq runaqa,maqanakuytan jatarichin.+
22 Yanqamanta tumpaqpa rimasqanqa sumaq mijuna jinan,enterollanta oqoykusqa wijsaman jaykuq mijuna jinan.+
23 K’arpata* qolqewan llusiy jinanmillay sonqo runaq misk’i rimasqanqa.+
24 Jujkunata cheqnikuqqa rimasqanwanmi cheqnikuyninta pakan,sonqon ukhupin ichaqa engañayta yuyaykun.
25 Sumaqtaña rimaqtinpas ama paypi confiaychu,sonqonpiqa qanchis millay ruwaykunan kashan.*
26 Llullakuspaña cheqnikuyninta pakaykunqa chaypas,llapa runaq ñaupanpin millay kayninqa sut’ita reparakunqa.
27 T’oqota jasp’iqqa chaymanmi urmaykunqa,rumita tanqaqpas chaywanmi ñit’ichikunqa.+
28 Llullaqa k’irisqan runakunatan cheqnikun,llunk’upayaq simiqa ñak’ariytan apamun.+
Uraypi willakuykuna
^ Qhaway Explicasqa simikuna nisqapi “Yachaywan rimay” nisqata.
^ Chaypiqa “lliuta k’iriq jinan” nillanmantaqmi.
^ Chaypiqa yaqapaschá “Jujkunaq ch’aqwasqanman chapukuyqa” nillanmantaq.
^ K’arpataqa “k’analla, k’arpi” nillankutaqmi.
^ Chaypiqa “sonqonqa sinchi millaypunin” nillanmantaqmi.
