Proverbios 20:1-30
20 Vinoqa asipayakuqmi,+ alcoholqa mana controlakuqmi,+chaykunawan mana allin ñanman apachikuyqa mana yuyayniyoq kaymi.+
2 Reypa manchachikusqanqa leonpa qaparisqan jinan,+payta phiñachiqqa wañuy patamanmi churakun.+
3 Ch’aqwayta mana munaqqa respetasqan,+uma muyu runan ichaqa ch’aqwayman jaykun.+
4 Qellaqa chiri tiempopin mana yapuyta* munanchu,chaymi mana imanpas kaqtin cosecha tiempopi mañapakuspa purinqa.*+
5 Chinkay-chinkay ukhu unu jinan sonqollapi yuyaykusqakunaqa,allin reparaq runan ichaqa chaykunata orqoyta yachan.
6 Askha runan mana tukukuq munakuyninkumanta* rimanku,ichaqa, ¿pitaq junt’aq runata tariyta atinman?
7 Chanin runaqa chanintan kausan.+
¡May kusisqan wawankunapas kanqa!+
8 Reyqa juzgananpaqmi trononpi tiyaykun,+jinan qhawarispalla mana allin kaqta reparan.+
9 ¿Pin niyta atinman: “Sonqoytan ch’uyanchani,+manan juchayqa kanñachu”,+ nispa?
10 Mana chanin pesana rumikunatapas,engañaq medinakunatapas* Jehová Diosqa cheqnikunmi.+
11 Erqechapas ruwasqanwanmi rikuchinkausayninpi ch’uyachus allinchus kasqanta.+
12 Uyariq ninritapas qhawaq ñawitapas,iskaynintan Jehová Dios ruwarqan.+
13 Ama puñuyta munakuychu, mana chayqa wajchayapunkin.+
Ñawiykikunata kichariy, chhaynapin sajsata mijunki.+
14 “¡Manan allinchu! ¡Manan allinchu!” ninmi rantiqqa,chaymantataq ripuspa negocio ruwasqanmanta alabakun.+
15 Kanmi qoripas askha coralpas,*ichaqa yachaywan rimaq simikunan chaykunamanta aswan valorniyoqqa.+
16 Sichus juj runa mana reqsisqata garantizarqan+ chayqa p’achanta apakapuy,waj llaqtayoq warmita garantizarqan chaypas prendata mañakuy.+
17 Runapaqqa sumaqllañan engañowan tarisqa mijuyqa,chaymantan ichaqa simin aqowan* junt’a rijurin.+
18 Rimanakuy kaqtinqa allinkaman ima yuyaykusqapas lloqsin,*+ima guerrata ruwanapaqpas allin yuyaychayta maskhay.+
19 Yanqamanta tumpaqqa mana willana kaqkunata jujkunaman willaspan purin,+ama cuento q’epi kaspa kusikuq runakunawanqa juñukuychu.
20 Taytantapas mamantapas ñakaqkunaq mecheronqa wañupunqan,tutayay chayamuqtinmi mecheronkuqa wañupunqa.+
21 Mana allinta ruwaspa tarisqa herenciaqa manan bendicionchu kanqa.+
22 Ama niychu: “¡Vengakusaqmi!”,*+ nispaqa.
Jehová Diospi suyakuy,+ paymi salvasunki.+
23 Jehová Diosqa cheqnikunmi mana chanin* pesana rumikunataqa,suwakuq balanzakunaqa manan allinchu.
24 Jehová Diosmi runataqa maymanpas purichin,+¿imaynatan pipas yachanman payllamanta maymanchus rinanta?
25 Sichus juj runa mana allinta yuyaykuspa Diosman imatapas prometekun,+qhepamanñataq chaypi allinta yuyaykun chayqa,+ juj trampan chayqa.
26 Yachayniyoq reyqa millay runakunatan ajllan,+trillanaq ruedanwan saruchispan ajllan.+
27 Runaq samayninqa Jehová Diospa mecheron jinan,chaymi sonqon ukhutaraq t’aqwin.
28 Mana tukukuq munakuywan junt’aq kaywan iman reytaqa pakaykun,+mana tukukuq munakuywanmi trononta tajyachin.+
29 Waynakunaq sumaq kayninqa kallpankun,+kuraq runakunaq sumaq kaynintaq yuraq umanku.+
30 Q’oyukunan, k’irikunan mana allin kaqta qonqachin,+waqtasqa kaymi sonqo ukhuta ch’uyanchan.
Uraypi willakuykuna
^ Yapuytaqa “chajmay, aray” nillankutaqmi.
^ Chaypiqa yaqapaschá “cosecha tiempopi mijuyta maskhanqa ichaqa manan tarinqachu” nillanmantaq.
^ Qhaway Explicasqa simikuna nisqapi “Mana tukukuq munakuy” nisqata.
^ Chaypiqa “Iskay clase pesana rumikunatapas, iskay clase medinakunatapas” nillanmantaqmi.
^ Chaypiqa “chharqa aqowan” nillanmantaqmi.
^ Chaypiqa “yuyaykusqakunatan allinta tajyachikun” nillanmantaqmi.
^ Chaypiqa “¡Kaqtan ruwarusaq!” nillanmantaqmi.
^ Chaypiqa “iskay clase” nillanmantaqmi.
